譚仔雲南米線 (已結業)

有時諗唔到食咩，我就會揀譚仔，貪佢平靚正。三點幾同朋友去到唔洗等位就有得入去坐。今次我叫左個墨丸腩肉十小辣米線，凍檬茶再加多個四川青椒皮蛋。個米線個辣度我認為辣左少少，比平時食開既十小辣更辣。其間我仲唔小心彈左d汁落隻眼到，超級嗱眼，我想像唔到如果叫特辣既話彈到隻眼會點，所以食譚仔都要好小心。墨丸一如既往彈牙，有墨魚香，間中仲食到墨魚肉。腩肉梗加不得了，腩肉係要有d脂肪先好食，油脂味好香，一啖米線，一啖腩肉真係冇得輸。雖然我叫兩餸，但份量都好多，腩肉食極都有，墨丸都有四粒。四川青椒皮蛋都好正，我個人覺得好食過三哥個個。皮蛋晶瑩剔透，蛋黃好香甜，食個時配埋佢既辣汁同 芫荽蔥，十分好味！不過譚仔都有地區性收費，係灣仔食就貴番少少咁囉