一風堂 (馬鞍山廣場) (已結業)

馬鞍山唔再係冇野食！前幾日開左一風堂，店外掛著燈籠。店內有玻璃窗可以見到師父整拉麵。今日因爲4點左右入店，所以不用等位。#馬鞍山限定 #橫浜家系豚骨拉麵 豚骨湯底好濃郁，拉麵簡左適中，拉麵質地彈牙。兩片叉燒肥瘦適中配材都好多，有溏心蛋，3片紫菜，仲有菠菜同椰菜，非常豐富。其實今日第二碗半價，可惜食左午飯。明太子雞翼 ，雞外皮脆， 多汁，雞翼內滿滿的明太子，稍微辣。大阪風餃子 ，餃子皮薄雖然細粒左，但都啖啖肉，做法似大阪燒，係餃子面鋪上章魚燒醬、蛋黃醬、海苔粉、紫菜條、柴魚片等，又幾得意。不過我都係鍾意傳統果款多d。