鮨蕾 (已結業)

喺銅鑼灣嘅日本料理店真係多不勝數，今日好不經意嚟到鮨蕾，食咗個滿意又滿足嘅午餐。一入到餐廳，已經被開陽光猛整潔嘅環境吸引，服務更加是一流，Roy經理見我們拿着大小袋子，立即貼心拎出兩個籃幫我地擺放住啲袋，並放置整齊！幾個服務員都非常有禮貌，對料理店食品亦瞭如指掌，每道菜式上枱時都加以悉心詳細介紹。午餐選擇唔算多但好全面，我選定幸.特選壽司set。前菜已經看出心思，係時令食材，茶碗蒸蛋非常香滑而唔稀削。壽司賣相吸引用心，非常新鮮美味，連伴菜都能帶來驚喜。豚肉麵豉湯味道剛剛好，唔太鹹。之後仲有個烏冬，口感煙靱有彈性，唔經唔覺成碗食晒。最後，來一個放在花型碗上的豆腐雪糕，加上一杯香氣撲鼻的咖啡，真係一個最圓滿嘅午餐！最後一提，連廁所都是非常整潔設備非常齊全。從每一個環節都睇到佢哋係好認真用心咁對待，我覺得鮨蕾是一間非常值得推介的餐廳。