影片
更多
2008-07-29
11 浏览
上星期五晚,懷著興奮的心情跟老細們吃一頓望到海景,又好味的晚餐!選擇這裏的原因是VIP房有超級無敵大海景,食物是次要!但次要還次要,都唔可以過份得咁緊要o架!甫進入房間,已經覺得海景唔錯,尤其夜幕低垂,維港景緻盡入眼簾!看看菜牌,看似不錯,份量少一點是可以預計到的,但,又太過份了!第一味菜係撈起三文魚生,用京葱,芫茜,魚露撈三文魚,得嗰三塊,好似未食過嘢咁,又有葱辣味呢,頂唔順!第二味係腿蓉露筍釀竹笙,得露筍頭,係咁易用竹笙包住,每人分得兩條,味道又鹹!第三味黃金蝦球伴花枝玉帶,唔知點解西蘭花最多,蝦就係超細o既海蝦,如何佢跟香港food labelling寫呢個菜名,肯定俾人告!第四味碧綠鮑甫扣鹿筋,啲汁勁鹹,雲吞麵鋪啲牛筋仲好食過佢!鮑片就過得去,重味!第五味係蟹肉雞絲燴生翅,呢個我最多嘢講,因為成碗都係翅,但又厚,但一嚼,發現好似食啫喱,五星級酒店都混入假翅?!而且,落蒟蒻都好啲,佢落啫喱,激死!第六味係海班兩味,煎海斑味,一食就知係急凍魚,肉質實晒!而另外一味係魚湯杞子蝦干浸翡翠!乜五星級酒店都有蝦干食咩,呢碟咁o既餸,去屋邨酒樓食的話,48蚊都嫌俾多咗佢呀!第七味係當紅炸子雞
甫進入房間,已經覺得海景唔錯,尤其夜幕低垂,維港景緻盡入眼簾!看看菜牌,看似不錯,份量少一點是可以預計到的,但,又太過份了!
第一味菜係撈起三文魚生,用京葱,芫茜,魚露撈三文魚,得嗰三塊,好似未食過嘢咁,又有葱辣味呢,頂唔順!
第二味係腿蓉露筍釀竹笙,得露筍頭,係咁易用竹笙包住,每人分得兩條,味道又鹹!
第三味黃金蝦球伴花枝玉帶,唔知點解西蘭花最多,蝦就係超細o既海蝦,如何佢跟香港food labelling寫呢個菜名,肯定俾人告!
第四味碧綠鮑甫扣鹿筋,啲汁勁鹹,雲吞麵鋪啲牛筋仲好食過佢!鮑片就過得去,重味!
第五味係蟹肉雞絲燴生翅,呢個我最多嘢講,因為成碗都係翅,但又厚,但一嚼,發現好似食啫喱,五星級酒店都混入假翅?!而且,落蒟蒻都好啲,佢落啫喱,激死!
第六味係海班兩味,煎海斑味,一食就知係急凍魚,肉質實晒!而另外一味係魚湯杞子蝦干浸翡翠!乜五星級酒店都有蝦干食咩,呢碟咁o既餸,去屋邨酒樓食的話,48蚊都嫌俾多咗佢呀!
第七味係當紅炸子雞,一食就知冰鮮雞,原諒佢哋好難買到新鮮雞,但除咗個皮脆之外,啲肉,真係實到唔想食,而且佢切到個雞轉彎,扭都扭唔開,點食呀!
第八味係瑤柱蛋白炒飯,啲飯勁硬,瑤柱絲都係勁硬,食佢,真係對個消化系統唔住!
之後已經係鮮果拼盤同美點雙輝,用呢兩樣嘢嚟食飽個肚最好不過,因為無人幫你分嘢食嘛!個煎堆仔幾好食,真o架!
其實我食呢餐唔係想彈,自問我唔係要求高,但七千幾蚊一席,無乳豬,翅又假,海斑都要分做兩味的話,你會點諗!
仲有可以講下o既係上菜時間非常之慢,而且上枱時亦唔覺得餸菜係熱o既!個侍應哥哥仔,全場唔識笑,又唔係好識擺位,上枱咁!可憐我老細埋單時俾咗500蚊TIPS佢,都係唔識笑,心諗一句,佢值唔值俾咁多tips同埋,佢收到咁多tips,都無反應嗎?
张贴