黑門水產すいさん (棉登徑)

呢間係我喺香港食過最接近日本居酒屋質素嘅餐廳，環境裝修都做到令你覺得去咗日本咁樣。嚟到呢度一定要試佢個招牌甲羅燒，即場燒俾你食，分量足夠，兼且蟹膏味濃郁，食完一個唔夠喉，下次要叫兩個先。味噌煮牛肋骨，牛肋骨煮到好林好易咬而且牛味十足，蘿蔔煮得夠林夠入味，食完仲想飲埋佢個湯煙燻三文魚活火山，煙三文魚底下蓋着小飯卷，配埋辣辣地嘅明太子醬、蟹子、炸蔥絲一齊食非常惹味叫咗我至愛嘅白子，輕微火炙過嘅白子再配上柚子汁非常開胃黑門令大漁魚子醬脆脆包，法包十分香脆卜卜聲，夾埋鹹香嘅魚子醬、三文魚子、吞拿魚蓉、蟹肉蟹膏同蟹子，非常滿足深海池魚薄切刺身，深海池魚非常新鮮，配上酸濕夠晒開胃最後點左個黑松露白汁燒帆立貝，黑松露白汁好濃郁，但係又唔會蓋過帆立貝嘅鮮味，兩者非常之夾，一滴汁都冇剩