玄鮨 (已結業)

今晚同屋企人去咗銅鑼灣既玄鮨食飯。聽朋友介紹佢係一間質素相當之高嘅日本餐廳，更加係米芝連推介既日本菜！一入門口經理就已經招呼我哋，安排我地坐係壽司吧位。我地揀既係omakase廚師發辦，咁就可以睇住師傅製作既過程。單單係前菜已經有三款，分別係梅貝旨煮，枝豆豆腐同白身魚玉子杏仁。真係又令又好味！之後就係我最愛既刺身！總共有7款，金目鯛，皮剝，鰤魚，沙甸紫菜捲，赤貝，帆立貝同埋大吞拿魚腩。每一款都特別鮮甜，當中我最鐘意既就係吞拿魚腩，正係睇拖羅的紋理就知道油脂十足，入口即溶！燒物既鮑魚黑松露勁厚肉同彈牙！揚物係魔鬼魚翅，著休係安康魚肝，魚肝係口內融化，完全冇腥臭味，質感化綿。壽司款式都勁多，赤鮭，小肌，深海池魚，海膽，白海老明太子，大吞拿魚腩。師傅好刀功，每次切野更加會抹刀同洗手。食完壽司後上既蛤清湯勁鮮甜，熱湯暖一暖胃都好舒服。最後既甜品係哈密瓜同蜜柑，濃濃果香，特別鮮甜多汁！食緊飯嘅期間店員好有禮貌幫我哋斟茶同解釋食物款式，師傅又會先問我地有冇邊類型食物唔食。玄鮨質素絕對高，真係要比個👍🏻