影片
更多
2006-01-15
14 浏览
八號果日同男友去完深水埗電腦節，跟住就去左《公和》食豆腐花，男友食普通熱豆腐花，我食薑汁熱豆腐花（因為佢\話我感冒，食薑汁有益），ｄ豆花好滑、入口滑嘟嘟+即溶，好好食。食完之後暖到痺，我地又叫左個蝦米腸，ｄ腸粉又好滑。臨尾我地仲叫左熱豆漿＆熱薑汁豆漿埋尾，果度ｄ野真係好好食…不過果度ｄ阿姐既系統就好亂（有ｄ又雞手鴨腳、好哩ｈｅａ咁），人地叫左ｄ野之後耐一耐都未黎（因為佢\地唔會落單），吹佢\先黎／完全唔記得邊檯叫過咩。埋單果陣，我地明明＄３７，個阿姐又計左＄３６，仲用好肯定既語氣話＄３６…我地就話唔係＄３７咩，佢\計多次之後先知自己計錯…哈哈…以我地岩岩所見，ｄ阿姐好似成日都計錯＄，好似幫間舖倒米咁，都唔知好嬲定好笑。睇住ｄ阿姐做野真係啼笑皆非，不過男友話咁樣反而冇果ｄ有晒系統既食店咁死板，我就話其實因為果ｄ野好食，所以果度ｄ食客都冇乜怨言…只係覺得好好笑…
张贴