嚐囍煲仔小菜

八號風球下因為屋企附近都冇乜嘢開，所以嚟咗最方便最就近嘅呢間食店去食點心，要讚嘅係點心份量大又夠熱；不過最重要嘅內涵真係冇。蝦餃爆皮、燒賣肉餡咬口夠「實淨」😀最失敗係和牛小籠包~肉餡實到跌落地都唔會散，足料過「M記」囉！所謂嘅拉腸粉過份黏口煙靭。 打風都唔滿客嘅時候其實有啲伏，如果唔係隔離競爭對手嗰間茶居冇開門， 我係絕對不會走入嚟幫襯呢一間。加埋個別職員啲語氣及態度甚有性格，剔點心紙又會「被」加一個午餐，唔睇單即刻改分分鐘瀨嘢，啲冷氣又係咁滴水，急急腳食完快啲走，其實呢間嘢我平時真係唔會幫襯，「車軚人」唔俾星佢都係啱！

1