Coffever (已結業)

上網見到銅鑼灣有新開樓上cafe，主打hand drip coffee同西餐，就同男朋友上左黎試。晚上8點黎到人不算多，新開店人較少都正常。樓面裝修簡約，空間舒適。喜歡這個角落，有提供有關咖啡知識既書本，俾大家可以停一停放空。牆上掛上乾花，燈光柔和。食物選擇不算多，但夠特別，出面少見到，所以先有興趣黎試。hand drip coffee $68上左咖啡後，店員同我地簡單介紹左哩杯hand drip既背景，原來係來自ethiopia 既咖啡豆，香氣同口感都以果味較突出，建議暖暖地飲香味會更出。我地都好欣賞店員既講解同互動，我地又可以學到野。個樽同杯都好靚。48小時慢煮烹調既一道意粉，最特別係手撕豬哩個名，手撕雞就聽得多，店員話豬肉用左10多種調味，淨係聽到都覺餐廳好用心去製作。喜歡扁意粉既軟硬度，煮得剛好有彈性。哩份牛扒係餐廳主打，而且用既牛部位非常特別同矜貴，用上安格斯腹肉，肉汁真係比一般食既肉眼或西冷更突出，牛肉味道好出，淨係落左鹽去煮，突顯食材最原汁原味既味道，而且肉質好林，但覺得可以落多少少鹽，咁味道會更佳。