一門 (已結業)

夜晚同老婆放咗工後去行sogo,行完後好鬼肚餓,老婆仔話想食日本嘢喎,後來係sogo門ロ向上望,見到黄金廣塲上面有幾間日本餐,之前D朋友話一門D嘢食好奇怪,但又好好食喎,結果同老婆仔上咗一門嘞,上到去門ロ果個知客己經好有禮貌咁問我哋幾多位(因為平時食日本餐D知客都係蟹ロ蟹面咁)所以我哋個感覺很好,今晚booking full咗,所以要坐bar檯,我哋叫咗佢哋個厚燒玉子,好鬆化又多汁,再叫咗燒羊扒,燒大蝦,燒粟米,Ｄ羊扒外面香香脆脆裏面鬆鬆化化鲜嫩多汁又唔痴牙,Ｄ大蝦好大隻好鲜味,用手mook完殼後選吓手指鹹味啱啱好,粟米又香又甜,正!係燒烤爐果個肥師傅仲話比我哋知包住羊扒Ｄ銀色紙會燙手,睇佢個人好似粗粗魯魯咁,又幾細心喎,跟住食完之坐咗陣,最後叫咗刺身同寿司,D刺身超新鲜,我哋叫咗有什錦刺身５種,之後我老婆問寿司bar裏面高高瘦瘦戴眼鏡果個師傅仔刺身裹面有Ｄセ嘢,佢好有耐性咁慢慢同我哋講解,我哋睇到佢係好忙,但佢都肯答我哋D問题,所以佢哋Ｄ服務精神值得表揚,而佢哋個厨師推介＋件寿司每一件都好新鲜,好精置,好好味.佢哋Ｄ嘢食同服務都咁掂,下次一定會call齊Ｄ老友上去开party唧!!!