一鍋堂 (新都會廣場)

营业中

休息中

天氣開始轉冷，緊係要同朋友打個邊爐取暖啦，順道慶祝朋友生日。餐廳空間十分寬敞，唔會枱疊枱、隔離D煙吹落自己到，好舒適呢。120分鐘火鍋放題C餐（$308/位）肉類（⭐⭐⭐⭐⭐）千萬唔好比個價錢嚇到，餐廳入面既肉類款式十分多，而且質數好好，絕對係回本之選。淨係牛肉，都已經有分滑牛、牛小排、牛舌等等，連一D平時少食到既部位都有，產地亦都係黎自世界各地，一次過啖啖肉咁食真係好滿足。另外，除左牛之外，仲有雞、豬、羊等等，啱既唔同口味既朋友。唔好以為咁多款式質數就會平平，餐廳肉類每種都係優質之選，唔會比D爛肉霉肉肥膏肉客人。海鮮、配料（⭐⭐⭐⭐⭐）除左肉類之外，餐廳都有好多火鍋食品。海鮮就有土魷、鮮蝦、墨魚滑，原隻帶子等等，連花膠都有，而且每樣都係任叫，真係十分抵食呀。另外每款都十分新鮮，唔會有酸味霉味。至於其他配料，有部分就放係公眾區，啱既筆者邊睇邊夾，中二邊款可以即刻拿埋位食，好爽快。另外餐廳都有D涼拌菜式，好像沙律菜、泡菜、雞腎等等，為火鍋以外提供多樣滿足！蔬菜、飲品（⭐⭐⭐⭐💢）有別一般火鍋店，餐廳既菜係一碗碗放係雪櫃任你拿，咁就可以慢慢揀又唔驚變壞啦。蔬菜種類都好多，生菜、西洋菜、娃娃