影片
更多
2016-06-18
453 浏览
今日又係難得同男朋友撐枱腳既時候啦，男朋友帶左我重臨舊地!呢度感覺好高級，但實際好平民既西餐地方。姐係環境平民，唔驚要著曬老西上去咁，但係食既野係一流好水準既西餐！諗落，佢個名都改得唔錯！我地兩個都懶得諗食乜，所以就叫左個二人精選晚市套餐。海鮮拼盤配餐酒裡面包含左生蠔、鮑魚、日本刺身帶子、鮮蝦，同埋聖子刺身。我覺得呢個拼盤係最好既開場，因為每款海鮮都好開胃。尤其係帶子，帶子連個醬汁一口氣吸入，咸甜鮮既味道不斷係口腔度徘徊，亦且入口難忘，依家諗返都流口水！聖子刺身係市面上都好少食到，好爽身好特別！生蠔新鮮肥美，都唔錯。佢既餐酒係白酒黎，係每樣海鮮之間飲一小口，可以清一清上一款海鮮留係口腔既味道，亦都可作提升下一款海鮮既層次感！黑松露蘑菇湯一向都鍾意飲呢種蘑菇湯，以前係溫哥華成日係d超市買黎飲。但係香港一定要到西餐廳先可以飲到，所以特別珍惜，你話如果香港d supermaket都可以買到即日煮既黎飲就好啦。黑松露加係蘑菇湯，有畫龍點睛之用，但係有少許太油既感覺，不過整體都正既！\燒牛脷配蜜糖芥辣哇！呢個一食就有種好幸福既感覺又口入面湧出黎啦！點解我咁講呢，係因為一黎勁厚身，二黎佢外頭燒到少
呢度感覺好高級，但實際好平民既西餐地方。姐係環境平民，唔驚要著曬老西上去咁，但係食既野係一流好水準既西餐！
諗落，佢個名都改得唔錯！
我地兩個都懶得諗食乜，所以就叫左個二人精選晚市套餐。
海鮮拼盤配餐酒
裡面包含左生蠔、鮑魚、日本刺身帶子、鮮蝦，同埋聖子刺身。我覺得呢個拼盤係最好既開場，因為每款海鮮都好開胃。
尤其係帶子，帶子連個醬汁一口氣吸入，咸甜鮮既味道不斷係口腔度徘徊，亦且入口難忘，依家諗返都流口水！聖子刺身係市面上都好少食到，好爽身好特別！
生蠔新鮮肥美，都唔錯。
佢既餐酒係白酒黎，係每樣海鮮之間飲一小口，可以清一清上一款海鮮留係口腔既味道，亦都可作提升下一款海鮮既層次感！黑松露蘑菇湯
一向都鍾意飲呢種蘑菇湯，以前係溫哥華成日係d超市買黎飲。但係香港一定要到西餐廳先可以飲到，所以特別珍惜，你話如果香港d supermaket都可以買到即日煮既黎飲就好啦。
黑松露加係蘑菇湯，有畫龍點睛之用，但係有少許太油既感覺，不過整體都正既！\
燒牛脷配蜜糖芥辣
哇！呢個一食就有種好幸福既感覺又口入面湧出黎啦！點解我咁講呢，係因為一黎勁厚身，二黎佢外頭燒到少少脆。
一咬落去，入面好軟熟，軟熟到有入口即溶既感覺，味道香濃加蜜糖芥辣小清新。
令人重新評估牛脷既食法，呢樣係成個套餐入面最出色既！
松露煮日本年糕
年糕煙煙韌韌，配松露白汁，個配搭唔錯。男朋友就比較鍾意呢個，話係個汁醬好香濃，煮到個年糕好入味，成舊年糕都充滿住濃郁既松露白汁味喎。
可能前面太多驚喜，主菜相對上驚喜不大，係有水準
主菜：香燒牛肉眼
男朋友叫左5成熟，粉粉地色，但係切落去一d血水都無，反而係好林，好好味。
而我就叫左羊黎食，完全無羶味，羊肉有咬口，同個醬汁好夾，令到個羊肉既鮮味帶左出黎！
最後個Set dessert 就係chesse cake黎既，作為呢餐既perfect ending。
张贴
