金鶴拉麵 (和富道) (已結業)

之前去金鶴食過佢嘅拉麵, 水準質素認真唔錯！ 佢嘅招牌 蒲燒鰻魚飯, 好多人試過都讚不絕口, 一直都好想試。疫情期間, 餐廳大部分食物都可以外賣, 而外賣自取仲有85折優惠, 一於買返屋企慢慢歎！蒲燒活鰻魚飯海鰻魚 油脂較少厚身, 少骨肉質結實。用蒲燒製作, 外層有火炙燒焦肉香感覺, 乾身唔油膩, 外脆內嫩滑, 味道新鮮, 爽口彈牙, 魚味豐富！唐揚炸赤雞厚切炸雞, 外皮香脆, 內裏嫩滑肉腍, 一口咬下去有爆汁感覺, 無骨啖啖肉, 大快朵頤！一件份量也很大, 食完已經半飽！日式餃子一份四隻, 皮薄餡靚, 外皮香脆可口煙韌, 豬肉餡料軟嫩蘸上醋汁, 增加食慾感！