i CREMERiA Café (已結業)

一直想試呢間甜品好耐！！每次唔係太多人無位，就係食飽飽先黎，一直未有如願。今日難得有位又未食到好飽，就黎試下啦！！廚窗入面有幾款蛋糕，樣樣都好吸引！尤其是呢個迷你蜜瓜蛋糕，望見就流口水！餐牌上樣樣都好吸引，想試晒甘多款！其中一款我想試好耐既就係蜜瓜芭菲！見過好多人食，所以我地最後決定試一試佢！有半個蜜瓜，中間吱左北海道牛乳雪糕！係食過最好食既雪糕！雪糕望落去好軟滑！食落去都一樣！好滑，好creamy！有別於一般既雪糕，平時食既會有啲沙冰既感覺，呢個完全無，好滑溜，好香牛乳既味道，甜甜的！正！超正既軟雪糕！蜜瓜日本直送！超市一個賣幾百蚊！所以一直想試下！呢個好香蜜瓜味，較平時食開既清甜，唔會剩係得甜味。皮唔厚，可以食到好深！yummy!仲有其他推廣既雪糕供應，都幾多人買！下次再試下其他先！