我地一行8人，book咗大VIP房，房入面可以唱卡啦ok。
店員都好Nice好好招呼，座位寬敞，環境不太嘈吵
前菜 黃金豆腐非常好味，外脆內軟。
1
鎮店之寶避風塘炒辣蟹-$588一隻可以選擇大中小辣，蟹肥美多肉，相中o既係一隻龍蝦一隻肉蟹，我覺得肉蟹比較出色。
避風塘拆肉瀨尿蝦-$328一隻我諗唔少海鮮愛好者，都同蕃薯妹一樣，
就係好鐘意食蝦蟹類海鮮但係又好唔鐘意剝殼
特別係瀨尿蝦！剝起上嚟真係好麻煩~
呢度ga瀨尿蝦係拆肉先烹調，啖啖肉，一試就愛上了！
黃金流沙蝦球-$28一隻呢個係店員超推薦菜式，亦係呢間舖得獎菜式，店員叮囑一定要襯熱食。
咸蛋黃味好香，蝦球新鮮彈牙。
潮式酸菜水煮魚-$128魚肉好滑，平時食酸菜魚都係魚片，已經拆件，少見有食店係全條魚上。
豉油雞-$328一隻
莞香粒粒炒粉絲-$88
乾煸四季豆-$88其他菜式例如乾煸四季豆、莞香粒粒炒粉絲，都好味。
豉油雞一般，太乾。
海苔脆脆-$48其實即係炸蛋散，上面舖咗少少海苔。又甜又香脆。
最後店員奉上超級大壽包，好壯觀
為朋友生日畫上完美句號。
