Ruby Tuesday (已結業)

由於做咗三個月VIP，所以閒時都會黎幫襯吓。平日呢到大把位，唔似星期六日咁旺。今次兩個人order咗煙肉焗薯皮、蟹肉漢堡、salad bar，不過都係食唔晒。　煙肉焗薯皮 - 味好淡，唔係咁香　蟹肉漢堡　- 個size比一般呢到既漢堡包細，好似一個M記既BigMc咁大。一食落去，中間片蟹肉漢堡”必”晒出黎，朋友話因為佢係全蟹肉，所以無牛肉咁實。朋友話好香蟹味，但我覺得似蝦味多ｄ（唔通我既味蕾有問題？！），食落幾多汁。不過感覺唔似食緊burger，好似食緊美ｘ餅店既吞拿魚包咁。　Salad bar - 好耐無食過，同上次比較，多咗ｄ款式‧有火腿、提子etc. 但佢個Thousand island好酦。佢個menu好耐都無轉過，而且食物款式唔算多，所以VIP做三個月已經好夠。