FLIPPER'S (已結業)

平時都幾多人排隊，晚飯時間嚟就唔需要排隊，可以直入。因為無食晚餐，所以一人一碟再開心些牙，咁就試到幾隻味道。不過個班戟底都係一樣嘅，只係個醬同伴碟唔同。呢個班戟比其他貴，因為係鮮芒果，仲有個雪葩。芒果唔酸同埋個雪葩都幾好味。而班戟蛋味都幾香。同一時間另外兩個都齊齊到，另外呢個係綠茶紅豆味，紅豆蓉甜度同口感都唔錯，綠茶味都香，不過個堆忌廉就充滿著杏仁味，我真係接受唔到囉！榛子香蕉巧克力，最穩陣嘅一個味道，不過三個人食到第三碟，就真係好滿足嘞。雖然食班戟好似食風咁唔實在，但如果飯後就唔建議一人一碟嘞！