三星台菜食堂 (已結業)

三星台菜新開的灣仔分店~ 舖仔細細, indoor 座位不多, 舖外有個走廊位反而座位比較多, 冇冷氣但有個awning 遮太陽,感覺幾chill. 不過我個人就比較怕熱, 冇冷氣底下仲要食熱湯牛肉麵會頂唔住哦, 所以我都係揀左indoor坐~ lunch hour 要排隊, 佢係用tick tick點菜紙, 我嘗試左佢期間限定既花雕牛肉麵, 聞就唔太覺得有酒香, 食落就感受到淡淡的酒味, 唔會太濃蓋過主菜牛肉味, 而且碗麵份量好多, 我一個女仔食唔晒一碗麵! 味道唔錯, 最抵讚係牛肉, 真係非常美味!! 飲品方面都有唔少選擇, 老闆娘推介芭樂汁, 我唔敢試唷~ 最後揀了香港製造的支裝豆漿, 好好飲!  整體來說非常滿意的一餐