影片
更多
2018-06-08
1168 浏览
幾年前第一次食莆田，對佢嘅印象係貴同埋貴。今日再一次嚟到莆田，係因為知道佢有蟶子節，推廣「哆頭蟶子」，知道爸爸好鍾意食蟶子，咁啱屋企冇飯食，所以就帶佢嚟入門口位已經擺咗一張枱推廣蟶子節「哆頭」好似係一個地方嚟嘅.最新推廣係＄198可以任選兩款蟶子菜式我哋揀咗鐵板鹽焗蟶子同埋冰爽酒糟蟶子，兩個都係餐廳推介，其實都見到隔離有幾台食緊呢兩道菜，幾吸引.未上主菜既時候，先黎一碟頭水紫菜頭水紫菜少少脆但又唔係脆到卜卜聲好有鮮味，唔會過咸.主菜好快送到鐵板鹽焗蟶子上枱嘅時候用蓋蓋住，打開既時候簡直煙霧離漫，大家就幻想下好似食緊鐵板肉緊。嗰一刻就會諗啲蟶子咪好乾？最後食落口，反而可能咁樣嘅烹調方法令到蟶子嘅肉汁自己鎖返係入面，滲入左少少花椒同埋鹽既香味雖然蟶子外型細細，不過一打開個殼，其實蟶子好厚肉.冰爽酒糟蟶子蟶子浸係冰凍嘅酒入面，完美地吸晒酒香爆嘅時候酒會喺嘴裏面爆汁，呢度菜冰冰涼涼，啱晒夏天食.百秒黃花魚 $68叫得百秒，其實係指佢嘅烹調方法，烹調條魚只係焗咗100秒。黃花魚唔會好大條，比手掌大一d，因為烹煮時間唔耐，所以條魚唔會過老簡單地落咗紅蔥同埋薑調味，味道清甜唔fancy不過唯一唔太欣
入門口位已經擺咗一張枱推廣蟶子節
「哆頭」好似係一個地方嚟嘅
.
最新推廣係＄198可以任選兩款蟶子菜式
我哋揀咗鐵板鹽焗蟶子同埋冰爽酒糟蟶子，兩個都係餐廳推介，其實都見到隔離有幾台食緊呢兩道菜，幾吸引
.
未上主菜既時候，先黎一碟頭水紫菜
頭水紫菜
少少脆但又唔係脆到卜卜聲好有鮮味，唔會過咸
.
主菜好快送到
鐵板鹽焗蟶子
上枱嘅時候用蓋蓋住，打開既時候簡直煙霧離漫，大家就幻想下好似食緊鐵板肉緊。嗰一刻就會諗啲蟶子咪好乾？最後食落口，反而可能咁樣嘅烹調方法令到蟶子嘅肉汁自己鎖返係入面，滲入左少少花椒同埋鹽既香味
雖然蟶子外型細細，不過一打開個殼，其實蟶子好厚肉
.
冰爽酒糟蟶子
蟶子浸係冰凍嘅酒入面，完美地吸晒酒香爆嘅時候酒會喺嘴裏面爆汁，呢度菜冰冰涼涼，啱晒夏天食
.
百秒黃花魚 $68
叫得百秒，其實係指佢嘅烹調方法，烹調條魚只係焗咗100秒。黃花魚唔會好大條，比手掌大一d，因為烹煮時間唔耐，所以條魚唔會過老
簡單地落咗紅蔥同埋薑調味，味道清甜唔fancy不過唯一唔太欣賞係黃花魚碎骨實在太多唔可以好盡興咁食.
興化炒米粉 $78
睇食評見好多人讚，我地想食清淡d，所以叫左個米粉。本來完全冇乜期望，諗住都係一碟米粉，點知係極意想不到！！！
我會用「綿」黎形容米粉既口感，入口輕如綿花，一條條米粉相當細緻幼嫩，好似柔順髮絲咁
伴左少少花生，芥菜，肥豬肉粒，蝦等等同炒，味道香，不過唔咸，食完唔口渴，唔肥好奇寶寶上身想試埋個辣媽醬，所以點左d撈米粉食
睇到最少有2款辣椒，但食落唔算好辣，有d酸酸地，係極開胃，食出最少3種味道既層次
.
我同爸爸2個人食完4樣餸，岩岩好，我想讚呢到菜式味道似家常菜，唔重調味，以鮮味為主，所以食完唔口渴
.
睇到個牌係一d商品介紹同售賣
有頭先食過既紫菜，辣媽醬同埋米粉，價錢都合理，送禮自用都唔錯.
餐廳環境舒服，不過就隱閉左少少，佢係美麗華2期既2樓，唔係好多衫買個商場
上菜速度都快，而且d菜係熱，呢樣野聽落好基本，但真係食過有餐廳上菜慢夾唔熱
有樣好貼心係姐姐會換碟食到一碟都係殻唔知點好
张贴
