中華小館

一排無食過中餐，同事就介紹咗灣仔嘅中華小館，提到小菜特別出式，於是就同另一半嚟試吓。

職員安排好一樓嘅位置，然後就開菜，呢度嘅茶可以加$5選擇比較特別嘅茶，包括胎菊花茶、人蔘烏龍、法國玫瑰花茶、白桃烏龍茶，我哋就選擇咗胎菊花茶，真係好香菊花味。

由於兩個人食嘅關係，所以就點嘅茶式唔多，三餸一湯，包括：
蒜片牛柳粒
脆皮鳳梨咕嚕肉
啫啫芥蘭煲
紫砂功夫燉湯

蒜片牛柳粒嘅牛肉好嫩滑，蒜片香脆。

1

脆皮鳳梨咕嚕肉入口啖啖肉，酸甜度適中肉質軟熟。

啫啫芥蘭煲，入面有大小嘅蝦乾，令到成個煲都好香好惹味！

紫砂功夫燉湯味道清甜唔油膩。

三個餸都好出色，值得再嚟食。