柞木炭家

营业中

休息中

位於旺角TOP商場嘅The Charcoal Room一坐低梗係要試吓唔同嘅前菜所有前菜都醃製得非常入味而且仲係無限添加食咗一個好特別嘅海膽和牛卷外面係紫蘇葉，不過紫蘇葉嘅味道比較龍我就冇食到海膽比較清淡、不過都算幾新鮮個人建議可以只係用紫菜包住就夠比較少喺韓燒見到，都算幾特別今次就點左鹽燒上等牛小排、原隻濟州八爪魚、汁燒豬皮、慶州豬背肉、和牛牛肋骨，每一款味道都非常濃郁，如果鍾意重口味嘅朋友就最啱。我個人最推薦原隻八爪魚，呢一款職員會幫忙燒，而且好彈牙同埋有口感。職員仲好細心會將成個八爪魚剪成細細件，方便入口。因為平時其他韓燒一般都只係會切件嘅八爪魚，比較少原隻見到。海鮮煎蔥餅都係呢度特色之一，滿滿嘅海鮮包住喺蔥蛋餅入面，而且蛋嘅份量都幾多，如果一大班朋友嚟嘅話不妨order試吓。