點盅皇包點專門店

营业中

休息中

收工行去天盛買外賣，可能因中秋關係有幾間小店都早關左門，咁見到呢間外賣點心店未試過就試啦，價錢黎講中規中矩，比Mr包平dd。我就買左個鳳爪排骨飯加個鵪鶉蛋燒賣，分別就26蚊同18蚊，擺埋左一齊，先講講個飯就比較硬d，雖然我個人都比較鍾意硬少少既飯，但有d位有d硬到有d乾，排骨就都比較乾身d，鳳爪色澤比較淡食落都唔太夠味。鵪鶉蛋燒賣就幾大粒，肉既部份都係比較乾啦，鵪鶉蛋就正常，整體都係普普通通。除左點心之外仲有腸粉魚蛋果d，住係果邊路過買下小食都ok既。