影片
以上资料只供参考，请与餐厅确认详情
哩间铺头个肠粉三式拼真系好食，但系每次去买我都系有讲要辣嘅，但次次返到去开黎阵都冇辣酱。如果其实佢真系冇辣酱可以提供，照直讲我OK架,，唔洗下下入单有又冇落落去，次次返去都失望一次，几hurt架。
继续阅读
收工行去天盛买外卖，可能因中秋关系有几间小店都早关左门，咁见到呢间外卖点心店未试过就试啦，价钱黎讲中规中矩，比Mr包平dd。我就买左个凤爪排骨饭加个鹌鹑蛋烧卖，分别就26蚊同18蚊，摆埋左一齐，先讲讲个饭就比较硬d，虽然我个人都比较钟意硬少少既饭，但有d位有d硬到有d干，排骨就都比较干身d，凤爪色泽比较淡食落都唔太够味。鹌鹑蛋烧卖就几大粒，肉既部份都系比较干啦，鹌鹑蛋就正常，整体都系普普通通。除左点心之外仲有肠粉鱼蛋果d，住系果边路过买下小食都ok既。
继续阅读
立食街入面有间卖点心嘅店舖，点心嘢饭嘅总类都算多，lunch time去都唔算多人，所以就买咗个饭。叫咗个排骨饭。排骨嘅数量都唔算太多，饭嘅份量应该大概一碗，一个人食都okay够食嘅排骨算几淋，唔肥，有几嚿有软骨，软骨都易嚼碎；有啲就系有骨，都算多肉。饭嘅texture较硬，虽然未去到生骨，不过可以淋啲。另外再叫多份烧卖，烧卖一份4粒。烧卖系猪肉馅料，口感都唔okay，入面食得到嚿嚿猪肉，粉比例唔多。整体水平尚可，唔算太突出。
继续阅读
想食平价点心就会谂起呢个铺头，呢间小店位于天盛商场小食街入边，舖头细细间，买嘅点心种类唔多，不过胜在够平。点心虽然亦都唔系整得特别出色。个人就比较钟意佢嘅三色拼，三色拼入边有烧卖，鱼蛋同肠粉。有埋甜酱，芝麻酱，需要可以加辣。次次下午茶口痕，想食少少嘢就会黎买佢嘅三式拼，鱼肉烧卖同鱼蛋都好好味。鱼蛋够弹牙，肠粉份量最多，食完都好够饱。其实佢嘅包类都有好多，不过唔知点解次次去想食咩包就冇咩包。唔知系咪一早就卖晒。
继续阅读
年头因为疫情嘅关系，同屋企人少咗出去茶楼饮茶，𠮶时开始多咗帮衬呢间点心舖。通常我都会嗌三个点心加一个蒸饭，唔使一旧水又可以过下茶瘾。我最钟意食鸡圠，因为入面旧芋头好绵好好食。烧卖就麻麻哋因为啲猪肉好肥。佢点心嘅选择比较少，如果将来有多啲选择或者有期间限定就好啦！
继续阅读