39越南屋 (已結業)

原本去隔離嗰間越南食店，行過見到呢間唔使排隊， 就行入去試下， 當時見到樓面只得一個人， 都預咗要等一陣先有菜上， 人雖小服務仍可。
叫咗鮮茄牛腩，招牌牛肉河加扎肉， 鮮茄牛腩炆得入味牛腩亦都淋， 但肥膏太多，見到碗入面剩下嘅都係肥到食唔落口。 而另一碗牛肉河加上扎肉， 湯底有越式風味， 加少少辣椒醬更加惹味， 反而係個扎肉令到成碗河粉生色不少， 但係要加錢而只得兩塊份量又真係太少, 至於杯可樂實在太多冰， 已經叫咗小冰。
呢間舖頭開咗唔係好耐， 期待下次去可更進步。