39越南屋 (已結業)

今早出咗去游車河，無意間落到深水埗，就泊低架車行下，未到12點，已經肚餓喇，不經意見到依間越南餐廳，大熱天時，想食碗凍檬入到去，可能仲早，仲未有客人，環境好大，仲有個波波池香茅豬排撈檬，係套餐，仲送炸春卷同牛肉木瓜沙律，抵食夾大件，豬排好入味，一d都唔乾身越式雞飯，餐牌張圖係油飯，不過比咗白飯，不過算啦，我唔想浪費食物，所以無叫佢換比我地炸蝦餅好大份，幾錢合理，但個人覺得唔多彈牙最正係杯滴漏咖啡，香濃，不太甜，好味…查看更多

原本去隔離嗰間越南食店，行過見到呢間唔使排隊， 就行入去試下， 當時見到樓面只得一個人， 都預咗要等一陣先有菜上， 人雖小服務仍可。叫咗鮮茄牛腩，招牌牛肉河加扎肉， 鮮茄牛腩炆得入味牛腩亦都淋， 但肥膏太多，見到碗入面剩下嘅都係肥到食唔落口。 而另一碗牛肉河加上扎肉， 湯底有越式風味， 加少少辣椒醬更加惹味， 反而係個扎肉令到成碗河粉生色不少， 但係要加錢而只得兩塊份量又真係太少, 至於杯可樂實在太多冰， 已經叫咗小冰。呢間舖頭開咗唔係好耐， 期待下次去可更進步。…查看更多

原本想吃旁邊另一間越南粉！但人太多，沒有心機等位！就入呢間試下！雖然見OpenRice D comment 麻麻地！但盡管一試！叫咗幾樣嘢！1. 蝦醬雞翼有驚喜！唔會好鹹！但食到蝦醬味,雞翼鬆脆，d肉仲有汁，唔會炸到乾哂！:)2. 海鮮炒越式粉絲: 用咗越南黑胡椒！好香胡椒味，小小辣！冇乜油，炒得好乾身！3.越式蝦餅： 正常貨色、無特別，下次可以試試其他小食！:)4. 米紙蝦卷： 蝦肉新鮮，夾咗燒豬頸肉，仲加有檸檬葉，口感清爽，有檸檬葉香氣！感覺冇咁漏！都幾飽肚！5. 蟹膏蕃茄湯粉： 有驚喜！啲蟹粉撈入碎豬肉內！同蕃茄湯好夾！食得太快冇影相！整體來講：都幾好味！幾位越南姐姐都好有善，有禮貌！出菜亦都唔慢！全餐食咗$2百幾！兩個人，每人100多D! 會再幫襯！食後感，並不如其他朋友在OpenRice 所寫的咁差！所以餐廳好與壞，還是要自己試過先知！:)…查看更多

新年流流出左長沙灣，大部份食肆都未開爐，唯獨幾間泰國野同越南野，因為印象中對面街間泰國野好難食，揀左哩間越南食店，感覺好家庭式～叫左個越式烤牛肉飯牛肉煮得岩岩好，一啲都唔韌，食落都好juicy～😛佢用紅洋蔥炒香左，調味亦都唔會過重蓋過牛肉既鮮味，加埋越式秘製醬汁一齊食，個酸甜味令到層次更加豐富，撈埋飯真係食完一啖又一啖😋…查看更多

點了一杯凍奶茶少冰，越式春卷，生牛河。味道是還可以的。但上菜時間很長，本人認為是漏單。因為比我遲來的人，竟然還能先吃。來了個越式春卷，竟然炸唔透，入面還是凍。店家即刻換過，當然是拿舊去重新炸，結果就燶了。生牛河到了，味道是可以，但粉是沒有鬆好就煮，結果粉不是一條條，是一餅餅。可能是天氣有點凍，所以店家是關了冷氣，由於我坐門口位置，結果就要邊吃西北風邊吃生牛河。有時間有空閒可以一試，但不要有期望。燶到呢生及凍，我指春卷，以及一餅河粉…查看更多

鋪位大 員工少烏燈黑火入黎冇人serve唔緊要唔好串過鬼叫特飲，我叫果樣冇我都要時間再諗啦下嗎不禮貌地叫我快d唔怪得之冇人入黎食如果唔係隔離排哂隊我真係唔會入黎食怪唔得知冇人啦服務態度其差不知所謂再黎？不了🙅🏻‍♂️🙅🏻‍♂️雖說味道不差但係份量少最重要係食客既心情食個lunch都係希望食得開開心舒舒服服最基本既禮貌都做唔好點會有返頭客？唔會建議大家食呢間野咩叫貼錢買爛受完完全全可以係度體驗到…查看更多

昨天往深水埗買手作材料，也計劃在那裡吃午飯。一心諗住試試「第一郡」，不過佢竟然無開!!!由於十萬個想吃越南粉，唔理三七二十一，先到隔離的「39越南屋」吃碗粉吧。是因為假期嗎? 雖然是午飯時間，食客不算多哦。這樣也好，可以靜靜的、慢慢的吃個悠閒午餐。餐廳職員不多，似是家庭式經營。侍應姐姐手腳快，態度也很好的。點了一碗順化湯河和一杯越式酸子順化湯河有豬手3舊、豬紅2粒和扎肉1片，以及河粉和香菜等等餐牌上說這個湯河是微辣的，可惜我完全吃不到辣味，最後還是要靠是拉差，這點稍稍失望喔!豬手十分稔，不費吹灰之力，便可以把它們骨肉分離，而且沒有豬羶味，十分讚!!扎肉也很好吃，不同於其他餐廳，內藏豬皮，很香口，可惜只有一片.....太吝嗇了越南酸子即羅望子，酸酸微微的很醒胃。嘻嘻，一邊吃一邊偷聽到隔離枱話鮮茄蟹檬好好味，下次要試下!!…查看更多

又一個星期四要去太子學ukulele，大佬今日要OT，唯有自己去啦，上完堂大佬黎左湊放學😍我地本黎想去打冷，但我又唔太餓，兩個人又唔食得多野，大佬就話帶我去深水埗食越南野😎 話呢間越南屋平時長期排隊的，但今晚我地成9:30先去到先唔使排😁😁 越南屋如果係深水埗站去大約行十分鐘就到，佢係大街都好易搵。入到去餐廳內，裝修平平無奇，唔係行打卡路線的，所以我都唔記得影🤣 餐牌選擇都算多，好多野都想食😍大佬嗌左個大蝦紙米卷，其實我一向對紙米卷豪無興趣，因為未食過好食既，好多都淡某某，怪怪地，好神奇呢間越南屋既紙米卷竟然好好味😳 紙米卷內有幾隻蝦🦐🦐🦐，粉絲，香草，生菜，仲有豬肉，應該係豬肉味好好食令成個紙米卷都好好食，沾上個汁，酸酸地好開胃。不過呢到既紙米卷都幾大舊，會幾飽肚的。如果個皮再凍d就perfect啦，十分推介大家試！我揀左個蝦餅，上面有好多香茅好野味，$68唔平算平，但佢都好大碟同好厚下，所以性價比ok! 蝦餅外脆內彈牙，都幾有蝦味👍🏻飲品就order左杯越式酸子兩份share，我好中意飲酸野，一見到佢個名就想試下，係外面既越南餐廳好似都好少見到。佢有少少似用話莓沖既飲品，無汽的，好好飲😍😍 又唔甜，真係齋酸，又唔會太酸，味道又唔會好假由於我唔太餓，我地只係叫左一碗檬粉share，佢個名好勁，叫蟹膏鮮茄湯檬，有蟹膏都只係$42😍 湯應蕃茄味唔重，但味道調得相當好，大佬飲曬d湯🤷🏻‍♀️ 呢碗湯濛都好多料，有一舊舊好林好舊既肉碎，有豬紅，有豬頸肉，有豆卜(略嚴唔多林)等等。呢到雖然豪無裝修可言，但食物水準真心全部都唔錯！絕對值得大家特登黎排個隊試下😍😍😍 食物份量正常，唔會偏少或者太大份👍🏻👍🏻…查看更多

本想去深水埗去食賣飛佛生龍㗎喱牛腩飯，但路經此店好奇望多兩眼，有位阿姐出嚟遞本餐牌畀我睇，好好人咁。我又想試一試新嘢，希望explore到好嘢。目標當然係㗎喱啦。一碟白飯，一兜一㗎喱，兜㗎喱可能係越南士歹佬，水汪汪的，但都夠辣，但唔夠杰，唔係我鍾意果種。我嘅第一次就咁奉獻咗畀佢，盛惠45。都話去生龍就生龍啦，試乜鬼新嘢呢？點知行過幾間，又係越南嘢，細間啲，但竟然排長龍。真係估佢唔到。㗎喱呢家嘢唔係個個都煮得㚥㗎……查看更多

最近入秋個天仲熱緊，只好食返啲酸爽嘢解下熱。今次都揀咗杯酸子蜜嚟飲，貪佢酸酸味味得嚟又夠爽；跟住再嚟多個鮮茄牛腩河，食落啲牛幾入味嘅，啲肉有嚼頭得嚟又唔會有根。 下次再嚟應該可以再試下其他嘢食嘅。…查看更多

琴日帶咗幾位外國友人體驗深水埗文化，順便食嘢。呢間39越南屋雖然冇英文menu，但友人係喺我嘅解說之下都揀咗幾款小食嚟食。 其中呢個柚子蝦沙律同埋香茅炒小牛肉就最受佢哋歡迎， 至於其他幾款餸菜， 好似蝦醬雞翼，對佢地黎講比較小見，好快比佢地清哂。overal，所有嘢食對於我嚟講都係唔錯嘅。咁最後我哋揀咗越南咖啡同埋越式酸子嚟飲， 感覺杯越南咖啡相對啲乜乜雀巢，係比較香濃幼滑啲嘅。…查看更多

香港有很多越南菜館，用料嚴謹而風味傳統的實在寥寥可數，而測試一家越南菜館的功力，從湯粉的烹調而可知一二。 年前有深水埗的越南小店「第一郡」以番茄蟹粉湯打出名堂，週末本想前往一試，可惜遇上大排長龍，失望回程之際，發現兩三舖位之外有一新店「39越南屋」，肚餓難耐，懷著一試無妨的心情走進店子了。 或許是新店關係，仍殘留著淡淡天拿水味道，食客不多，看看餐牌，點了番茄蟹粉湯粉及生牛肉河各一，冰凍越南咖啡一杯。沒多久，女侍應端來了番茄蟹粉湯粉，一看令人黯然，湯色清澈，明顯沒有加進番茄烹調，幾粒番茄浮在湯面很不自在，像是陪襯一樣，加上豆腐卜及豬紅各幾粒，厚扎肉一片，蟹粉一小撮，勉強湊成一碗湯粉。一試湯底欠缺蟹味，豆腐卜及豬紅味淡，完全沒有煮過，最後嚐一嚐所謂蟹粉，色淺而沒有蟹味，奇怪此店混入一點肉醬，令質感偏實，整碗粉沒有越南湯粉的靈魂，倒有香港本地車仔麵的影子。開店在「第一郡」旁只會自曝其短吧。 再試試生牛肉湯河，湯河放上幾片生牛肉及大量香草洋葱絲，賣相吸引，先試湯底，幾秒鐘前的期望馬上變成失望，傳統的越南牛河湯底材料講究，用上牛肉牛骨加入洋葱胡椒八角，煮出的湯色清澈而帶有濃香，但這店的湯底完全沒有鮮牛的油香與骨香，用上現成的牛肉湯料實在太差吧。幾片牛肉很薄，只是帶點肥油的急凍肥牛而已，食罷口中不其然的敏感又再次告訴我這湯底加入了大量味精，我對越南牛肉湯河要求很高，這般差的出品真的未見過。 最後那杯冰凍越南咖啡，過甜而奶太多，最基本的越南飲品都做不好，恐怕沒有機會再碰面了。 做餐館的，出品不用多，一兩道招牌菜可以令店子街知巷聞，同樣一兩道行貨都可以令店子很快消失的。…查看更多

上星期天鴿落完波，女朋友無哂心情煮飯。雖然我哋都預咗可能無鋪頭會開門，但都落街睇下啦，點知極surprise呢間39越南屋居然有開門。天氣陰陰沉沉咁，咁我哋就嗌咗兩碗口味嘅撈檬，一個係豬頸肉，另外一個係牛肉，個人覺得豬頸肉係好食點。同埋我哋嗌咗杯薄荷汁，女朋友話好飲，好清爽，本人試過都ＯＫ，可以試試。 …查看更多

上次同同事派完傳單就起深水埗附近食返個下午茶，我嗌咗杯酸子蜜同碗生牛湯河，原因你懂的。然後大家再嗌多個菜，合掌瓜苗雖然唔知係咩嚟，但食落幾好食，幾爽口。走個陣埋單平均60,70蚊，都算係咁。…查看更多

炎炎夏日，中午係條街度行，係真心會熱死，所以小妹我就決定揾間餐廳飲杯嘢，順便嘆個冷氣，咁就入咗呢間39越南屋。齋睇嘢飲其實都幾平，平均一杯都係廿幾蚊。同埋佢呢度有好多乜乜冰，嘜嘜冰咁，咁我咁熱就梗系要嚟返杯冰飲啦。見啲人嗌咗杯仁稔冰，我就跟隊試試啦。唔好講少笑，佢哋上嘅速度都幾快架喎，我叫咗杯仁稔冰同碗蟹膏湯河，唔洗兩個字就上到。杯仁稔冰有啲似話梅， 酸酸味味，飲落好酸爽，成身熱氣都走哂。而店家畀嘅湯河“蟹膏”係真心實在，真係勁大一pat，成個拳頭咁大，睇見都開心。之後食落啲麵唔會太淋，湯都幾清新，無話太咸。所以總括嚟講，呢間39越南屋係抵食、唔錯，值得推介。…查看更多