影片
更多
2021-08-04
145 浏览
尖沙咀價錢一般般 質素都一般般omakase🙁呢間omakase第二位有半價🧐Lunch有兩款Menu 分別係:👉HIKARI 12貫壽司$420 👉NAGOMI 5種刺身 8貫壽司 $880我地食12貫半價後埋單$714 平均每人$357相比起平時動輒五百上千嘅lunch omakase呢到價錢比較相宜但當然質素都唔可以同平時嘅omakase 相提並論經過樓梯之後 第一樣映入眼簾嘅係幾個大魚缸 (都有少少嘈雜)登記好之後店員會先將*食客們*帶到近門口嘅同一張座位等候選擇好Menu後就會帶我哋進入一間比較私密嘅房間房間內有大約4-5個2人位置 有2個師傅在場相比起某些lunch omakase 1個師傅serve 10幾個客人呢到都算係咁環境光猛企理 比外面嘅嘈雜好太多點解我會寫得咁詳細呢 因為omakase係成餐飯嘅一個體驗 下面終於入正題😂.🎈前菜 - 水雲之前喺另一間日本餐廳食過係一種藻類植物 一絲一絲好似頭髮咁之前食過一次就愛上了但呢度做出嚟味道比較淡 個人來講唔欣賞🤫評分: 5/10.🎈12貫壽司👉真鯛 魚質本來比較瘦 適合作為第一道嘅壽司 但係略嫌有少少根 飯偏硬👉深海池魚
呢間omakase第二位有半價🧐
Lunch有兩款Menu 分別係:
👉HIKARI 12貫壽司$420
👉NAGOMI 5種刺身 8貫壽司 $880
我地食12貫半價後埋單$714 平均每人$357
相比起平時動輒五百上千嘅lunch omakase呢到價錢比較相宜
但當然質素都唔可以同平時嘅omakase 相提並論
經過樓梯之後 第一樣映入眼簾嘅係幾個大魚缸 (都有少少嘈雜)
登記好之後店員會先將*食客們*帶到近門口嘅同一張座位等候
選擇好Menu後就會帶我哋進入一間比較私密嘅房間
房間內有大約4-5個2人位置 有2個師傅在場
相比起某些lunch omakase 1個師傅serve 10幾個客人呢到都算係咁
環境光猛企理 比外面嘅嘈雜好太多
點解我會寫得咁詳細呢 因為omakase係成餐飯嘅一個體驗
下面終於入正題😂
.
🎈前菜 - 水雲
之前喺另一間日本餐廳食過
係一種藻類植物 一絲一絲好似頭髮咁
之前食過一次就愛上了
但呢度做出嚟味道比較淡 個人來講唔欣賞🤫
評分: 5/10
.
🎈12貫壽司
👉真鯛 魚質本來比較瘦 適合作為第一道嘅壽司 但係略嫌有少少根 飯偏硬
👉深海池魚 有一朵小花做裝飾 有少少根 唔算肥美
👉帆立貝 有一邊帆立貝 飯有點散開 唔爽口 係平時淋身個隻 表面微微介開 帆立貝叫做幾有鮮味
👉伊左目 面頭有條紫菜 唔算好肥美
👉鯖魚 用白醋啫哩包住紫蘇葉去中和鯖魚嘅魚腥味 有少少根
👉赤身 入口算軟滑 不過豉油有點太重手 wasabi亦略嫌多咗少少
評分: 6/10
.
🎈海鮮茶碗蒸
食咗一半就上咗個茶碗蒸
都滑嘅但唔夠滑 對於omakase可能要求會高少少
有蝦有魚 但海鮮比較老 有點overcook了
評分: 6/10
.
🎈12貫壽司
食完茶碗蒸就繼續上番壽司🧐
開始味道會重少少🤏
👉平目 有啲柚子胡椒 味道比較辛辣 甚至有少少搶左d魚味
👉鱸魚 唔知係咪為左掩蓋魚冇味 有啲類似泰式辣汁既醬汁 非常重醬汁味😂
👉牡丹蝦 可以話係最成餐最好食既🧐 面頭有灸燒過嘅蝦膏 一入口好香燒味 蝦雖然有根 但都鮮甜爽口
👉飛魚 係用魚碎做 唔知以為食緊豉油😂 冇魚味 大量似飯素既調味料 食完飲左大量水
👉象拔蚌 本來應該係海膽但因爲我唔太中意海膽所以換左呢一款 味道比較腥 雖然落左少少柚子 都掩蓋唔到陣腥味
👉海膽 都算大大片 入口好軟滑 冇化學味 但似乎唔算最新鮮
👉右口魚邊 味道偏咸 好小食到有蒜味既壽司😂幾有油脂香 可惜鼓油同蒜蓋過左
👉拖羅手卷 魚味比較淡 不過紫菜都夠脆
評分: 6/10
.
🎈湯 - 慕容菇湯
味道清淡 食完油膩野清一清
好有菇味 入面又真係有一粒菇😂
屬於不過不失
評分: 7/10
.
🎈甜品 - 綠茶奶凍
Omakase既然由廚師發辦 每次都會先問客人唔食d咩
但係甜品居然無其他選擇🤔
比如我係唔食綠茶既 所以最後係無甜品食
呢方面就有待改善了
評分: (無得食就唔評分了)
.
🎈總括而言
雖然價錢以omakase來說唔貴 但都反映返個質素
除左牡丹蝦比較出色 其他我都唔太識欣賞😂
飯係偏硬 鼓油都偏重手
魚質量還好 所以呢個調味方法覺得有點可惜
不過以呢個價錢 我唔應該expect太多既😂
評分: 6/10
张贴
