茶古道 (已結業)

落大雨行入雅蘭中心見地面近地鐵出口呢邊開左間新野，係台式飲品店，有少少口渴，停低望望先，揀左好耐最後order左杯凍嘅蜂蜜柚子檸檬綠茶，要左少甜同走冰，仲加左6蚊on top 加個厚奶蓋。顯然收銀唔係太熟order程序，應該係新人，一路4take order一路問個senior第一啖試試個奶蓋先，奶蓋味道咸咸地，其實幾唔錯，不過略嫌份量少。然後試試個茶，我覺得都可以，但其實無左柚子成件事會更好更夾，或者可以落少啲柚子蜜個份量。