影片
相信大家都饮过手摇，就算买返嚟啲口味有唔同，都可能只系个味酸啲/甜啲/苦啲。但呢间「茶古道」真系不得了！从未试过两杯唔同嘅饮品都一样系淡味、无味，甚至乎可以叫做同水嘅无分别！更莫讲话有其他缺点！笔者就中过伏，冇睇食评就去帮衬，希望各位睇完我以下呢番感受引以为戒，下次帮衬手摇饮品，切记睇睇食评如何！其实如果唔系一定要至少畀一粒星，我直头一粒都唔想畀！首先，员工态度恶劣。当时近六点几左右，完全冇客，拍乌蝇。其中一名女员工收钱时负负气气，摆出一副唔耐烦嘅样子。之后见到该名女员工同另一名男员工冲嘢饮嘅时候，一边倾计一边漫不经心冲嘢饮（即系如果你能够同时做到两样嘢而又做得掂，系冇问题嘅，但又唔系㖞）随后其中一杯饮品做好，而Oreo 𠮶杯就未得（其实做好咗，放咗好耐喺个暗位又唔摆上枱面上）前后等咗15分钟。其次，味道啖而无味。朋友叫咗Oreo奶茶，完全无味，尚有些许甜味只靠Oreo 饼碎，实在难顶，饮了两口就扔入垃圾桶。笔者叫咗该店声称优惠饮品之一，白桃乌龙。两句讲晒，「桃无桃味、茶无茶味」。坦白讲，维x桃茶都好饮过N倍！总言之，如果各位咁啱睇到呢篇食评，奉劝阁下，三只字 — 咪！帮！衬！🤮🤮🤢🤢
继续阅读
之前行过几次都想试吓嘅，今日终于下定决心买一杯试下。行去埋去，见到两个男仔看铺，我企喺收银位喊咗几次“唔该”，两个人都冇理我，净系挂住自己食嘢、喺雪柜攞嘢饮、睇片。我企咗喺度，等咗2～3分钟，八达通都攞埋出来，两个人都当我冇到。咁明显唔想做生意，唯有成全佢哋啦！
继续阅读
每次去买都唔觉得态度好，唔系帮人买我都唔会去，今日去帮人买珍珠奶茶，个女仔都唔系好想答咁话无，佢返紧工顾住玩电话，我仲问佢几时有，因为我谂住转头再去帮人买，佢就对住地下望住自己电话超细声咁答，跟本都听唔到佢up乜，再问几时有，哗，条女个样好似无水洗面咁西口西面咁答(依家都系唔系好听到佢讲乜,因为佢系望住自己电话),其实咁差嘅态度咁唔钟意做，可以揾过第二份唔使俾人问嘢嘅工啰，我睇返食评都唔系我第一个客话态度差，真系贴钱买难受。
继续阅读
今日同🤴🏻喺旺角食完饭行街见到做紧特价就买咗两杯饮品🥤，点知中伏啦😩😩～～～荔枝红茶🥤～～～好少荔枝味，红茶味极浓，冇叫少甜但感觉似饮紧微甜，饮完都已经冇咩好感😕😕～～～白桃乌龙🥤～～～两杯我哋都叫咗少冰🧊，荔枝红茶个杯少冰🧊得来起码仲系冻嘅，但白桃乌龙呢杯系暖嘅🧐🧐，仲要一啲甜味都冇，只系饮到白桃嘅苦同埋乌龙嘅浓涩味，难饮到不知所谓，真系庆幸唔系大杯装，🤴🏻只好当饮苦茶饮晒佢😰😰
继续阅读
今日天气热，经过旺角的茶古道，就叫左一杯大杯装冻蜂蜜柚子柠檬绿茶少冰，饮品有柚子皮，有咬口，但味道偏甜，可能少甜会好一点，绿茶味唔够，店员的服务态度有改善的空间。
继续阅读