生記飯店 (已搬遷) 新店位置

尋日同家人預祝爸爸節, 山長水遠到生記( 家住新界), 諗住搵一間地道有特色的酒樓食飯啦. 不過, 食完有點失望.伙計recommend o左我地食一條唔知叫咩"金古" o既魚, 一斤多d ( 佢話啦o下, 無人見佢磅過) 就三百幾蚊, 講真我食唔出佢話咩海魚o既味, 點鮮點好咁. 咪又係魚一條囉! 無咩特別.叫o左半隻所謂招牌菜的鹽焗雞, 好似一般白切雞咁上下, 算係滑但唔覺?特別囉. 阿媽話鹹, 我又唔覺, 不過總之就一般啦其他我地叫o左咕嚕肉( 有骨o既! 算係生炒骨呀嘛? ), 上湯浸莧菜(好在唔油), 一個菜粒薑粒蛋白炒飯( 唔算油不過唔及家炒咁少油, 而且味道有點單調), 八珍豆腐( 哎呀, 原來係豬雜, 唔知o忝! 結果食完d 豆腐仲有一煲豬雜. ) 咁就六百幾蚊囉.阿爸唔係好滿意, 又yee yee un un 話條魚唔值, 攪到我都有d 心up. 不過, 如果一樣o既價錢, 我再揀的話, 會去鹿鳴春食乞兒雞同小籠包囉.