NeNe Chicken (新都會廣場) (已結業)

一人午餐試下新野，這間店環境都幾舒服，但食物只是一般。午餐叫了芝士年糕炒拉麵，店員送餐來時提醒鐵板熱，於是小心入口，第一啖，個汁少少辣少少甜，幾特別。開始食便發現有小部分麵仍硬硬的，就浸下，應該會熟多點。就是因為不夠熱，浸也是硬的，再食下去，開始滯。。。凍啡，淡而無味。連加一$77埋單。本想加叫炸雞一試，但上述都一般，令我卻步了。或者，下次俾多次機會，試下蔘雞湯。