影片
更多
2015-10-12
6685 浏览
上次去完Yamm，食物普通，但貴(但聽講有啲特別日子會好好多，但仲要收貴啲)。今次到文華東方快船廊試下，睇食評都ok，而朋友則講過一般，但點都要試一試。晚上6：30準時開始，但我們早到，幸好地下大堂有梳化坐著等，未開始已有數十人等候。入到去唔使講，冷盤開始，龍蝦麵包蟹蟹腳龍蝦鉗已是例牌會有，但食得出比Yamm好，佢仲有開定既生𧐢，翡翠螺及飽魚，生𧐢ok，屬於細隻款式，邊個地方就冇留意，今次連相都冇影，但都叫有鮮味同唔使等，飽魚就相反冇乜味道，反而翡翠螺ok喎，我都共食咗十數隻，呀！仲有差些冇留意既已除咗既殼蝦。刺生冇乜等別，有埋帶子但又唔係好好味，普普通通啦，其他都叫ok。湯有兩款，磨菇湯同酸辣湯，同樣冇乜大警喜，而熱食就有腩肉粗炒，獅子頭配小棠菜，菘子甜酸魚，有隻唔記得叫乜雞，粉絲蒸扇貝，小籠包，香煎包，煎餃子，牛扒，片皮鴨等等....粗炒一般，獅子頭有腎病千祈唔好食，佢唔係咸，係咸到苦，甜酸魚就皮多過雨，隻雞煮得太乾，扇貝比我自己整仲要蒸得過火，小籠包就係好細隻，皮厚而饀同冷藏個啲冇乜分別，煎包同餃比小籠包好，片皮鴨......其實都唔叫片皮，肉多過皮，佢比執餅皮你，放幾片仔鴨肉你
今次到文華東方快船廊試下，睇食評都ok，而朋友則講過一般，但點都要試一試。
晚上6：30準時開始，但我們早到，幸好地下大堂有梳化坐著等，未開始已有數十人等候。
入到去唔使講，冷盤開始，龍蝦麵包蟹蟹腳龍蝦鉗已是例牌會有，但食得出比Yamm好，佢仲有開定既生𧐢，翡翠螺及飽魚，生𧐢ok，屬於細隻款式，邊個地方就冇留意，今次連相都冇影，但都叫有鮮味同唔使等，飽魚就相反冇乜味道，反而翡翠螺ok喎，我都共食咗十數隻，呀！仲有差些冇留意既已除咗既殼蝦。
刺生冇乜等別，有埋帶子但又唔係好好味，普普通通啦，其他都叫ok。
湯有兩款，磨菇湯同酸辣湯，同樣冇乜大警喜，而熱食就有腩肉粗炒，獅子頭配小棠菜，菘子甜酸魚，有隻唔記得叫乜雞，粉絲蒸扇貝，小籠包，香煎包，煎餃子，牛扒，片皮鴨等等....
粗炒一般，獅子頭有腎病千祈唔好食，佢唔係咸，係咸到苦，甜酸魚就皮多過雨，隻雞煮得太乾，扇貝比我自己整仲要蒸得過火，小籠包就係好細隻，皮厚而饀同冷藏個啲冇乜分別，煎包同餃比小籠包好，片皮鴨......其實都唔叫片皮，肉多過皮，佢比執餅皮你，放幾片仔鴨肉你，跟住隨自己喜歡加醬蔥瓜等配料，都ok嘅，牛扒唔錯，比好多自助餐好，食過嘅同萬豪嘅差不多，佢仲有紅棗薑茶，我見有好多人飲完再飲，我都整咗杯，ok啦，有薑味得黎又唔會過多。
至於甜品都唔錯，一定要試檸檬餅同蘋果批，馬其隆就可以不理，全部細細份可以食多一些，而雪糕是自家製，個人最喜歡熱情果，而青檸就真係好酸，但都好好味。
至於每人送一客既我以為係鵝肝，點知係大閘蟹.....講真，送嘅大閘蟹都唔會有咩奢望，叫做有，細細隻，有羔但唔爆，如果要食埋爪會有啲難道，但味道係ok既，另外仲有多種丸類嘅湯粉麵，但通常都好少人會食，而且我睇啲丸不大像自家製.........
仲有係沙律麵包芝士，但就冇火腿囉
题外话/补充资料：
都係個句啦，因價錢唔係平，每人埋單650，如果平一百我會比個笑，但而家ok啦
而環境就一般，佢比我去開個啲有一種焗促感，可能地方細啦
(以上食记乃用户个人意见 , 并不代表OpenRice之观点。)
张贴