古月 (已結業)

今日收工，路經北角，上網一搵，北角原來有間米芝蓮餐廳，所以去左試試。雖然系小店，但員工人數非常充足，亦好有禮貌。 個椰漿飯非常香，配埋旁邊既sambal sauce ，超級好食，但略儼sauce太少 只夠食一半飯。配料味道一般，個魚仔偏梗，同埋d花生冇炒過，冇味，個蛋烚到冇晒色，當然食落亦冇味。Surprise 既系旁邊的3件雞系超好食，好香好juice。拉茶方面有斑斕同玉桂兩款可選，我選了斑斕，飲落好似m記既錫蘭紅茶，唔甜黎有好濃茶香。最後叫多杯Kopic, 冇咩特別,味道同超市賣既白咖啡一樣，叫左3樣野共115，算系平。