古月

营业中

休息中

個胡椒湯好好味、辣度適中（嗜辣者可能嫌不夠辣）、最正有大大個原個蒜頭（好多餐廳只有一小件甚至無都見過）我可以一啖蒜頭肉一啖飯一啖湯撈埋嚟食。湯入面有好多件肉骨、數落六七件都有、（喺新加坡食都無咁多件骨呀）仲要啲肉係唔嚡嘅、亦無肉酥味、點甜豉油食真係正到爆。只係88蚊真係好抵、性價比好高，係我喺香港食過咁多間餐廳裡面最好味嘅新加坡胡椒風味肉骨茶👍🏼 下次要試埋佢個喇沙至得。唯一唔太方便係只收現金😆

同阿仔table for 2 ，試吓去古月吃，消湯牛腩飯份量足夠，牛腩炆得好腍，又有白蘿蔔，湯底不算油膩😋慢煮鴨胸肉拉麵令人驚喜，鴨胸肉超腍完全不過肥膩，拉麵煙靭有勁，整體味道真的不差

好多年無再食過古月，今次完來好多嘢食都唔同，雖然古月仲有肉骨茶啊，但我最想食係蝦麵竟然無咗，但我都係想食湯麵，所以我就食咗慢煮鴨胸鴨白湯鮮製烏冬，除咗烏冬仲有太麵選擇。真係有覺得小小驚喜，覺得做得好好，唔知要慢煮幾耐，完全睇得出係好用心機去做。個湯底都好好飲，有一種好港式熟悉的味道，但講唔出我都有飲哂個湯但件鴨胸真係好滑，而且有5件鴨胸，真係好多肉，個鴨胸肉仲真係粉色。覺得佢哋好利害夠膽轉餐牌唔知佢哋會唔會再做蝦麵

好耐冇來…. 以前真係好好的，失望….. 海鮮喇沙，得一隻蝦，三粒魚蛋…. 唉！！！一碗面要$82，我好似系食緊一碗$82嘅淨面，仲要個湯系冇乜特别一般喇沙湯底，加少少燒鵝皮仲要碎上，有啲揾笨，食完都要再去食麥當勞唉！失望到我第一次寫食評！

今日喺呢間餐廳嘅經驗真係好奇怪餐廳只受現金，我同我朋友去收銀畀錢嘅時候，收銀員同我哋講咗 $ 198。我哋用咗 5 秒時間去諗點樣分，而喺呢 5 秒內，收銀員重複咗 3 次$198好啦，我哋畀咗錢，就嚟離開餐廳時收銀員追住我哋，佢話我張 $100紙幣嘅尺寸太細。首先，點解會有人去比較 $ 100 紙嘅尺寸???? $500 或者 $1000就話者。佢將我張$100同我朋友嗰張比較，話睇落去細d。老實講我都睇唔出有乜嘢分別，但算啦，我之後畀咗另一張$100佢。佢都仲係話太細🤯跟著佢仲拎左另外3張$100紙嚟比較，堅持我嗰兩張太細。即係暗示我俾假佢啦。我係窮，但未窮到$100都要呃人。好彩我朋友有多一張 $100我從來都冇留過負評，但係佢真係令到我好嬲。佢小心我係可以理解嘅，但係佢處理黎件事嘅方式令客人好尷尬。我哋全程係企喺成間餐廳前面俾佢公審，所有人都聽到同望住。食飯都要俾人公開羞辱真係未試過。雖然野食係ok同埋另外一位女職員都nice，但我以後都唔會再去。返到去我攞左個friend張$100同我嗰兩張比較，係一模一樣大細的 -.- 只不過我嗰張摺過，但拉返直佢係一樣的。佢門口有寫cas

平安夜幫襯，5:30pm，空席。一行入去全部職員望住你，但冇招呼，不屑樣，尤其個男嘅，一句說話都冇講，態度係完全唔L歡迎咁，好聲好氣問隨便坐？個男既職員翹埋雙手勁冷淡話係，勁唔想做人生意咁。上菜又慢，餐廳又有煙味，負責遞菜既女職員又完全唔識擺位，我個檯面吉既 都照將個set端去隔離朋友食緊個位。零尊重🫡 不愉快經歷🫡 前年食過，今年再嚟完全冇進步過。食物質素同埋性價比都費事講。

古滑雞飯 $60用咗無骨雞脾肉🍗，啱哂怕麻煩嘅人。啖啖肉冇骨好滿足🤩，雞肉真係同名一樣咁嫩滑。醬汁俾得好多，送飯一流，不知不覺就會食哂啲飯。凍馬來拉茶 🥤🌿面頭有少少斑蘭粉，飲落去香濃滑順，甜度啱啱好，茶同奶比例啱啱好🥤，有茶香得嚟又唔會太苦！喺港島區，平日午餐有咁平又高質嘅選擇真係好難得！⚠️

🌙古月轉咗新menu，迫不及待黎試下！新菜單真係好有新鮮感，每樣野都想試！太肚餓所以無影menu，菜名可能有出入🫠🐮 牛舌飯 ⭐️⭐️⭐️⭐️⭐️一次過可以食到三個牛舌嘅部位，牛舌好flavoursome，一個字，正！🦆 慢煮鴨胸烏冬⭐️⭐️⭐️⭐️⭐️鴨胸入口即溶，湯底好濃好味，烏冬有咬口，食完有十分滿足嘅感覺！🐥 Pop Corn Chicken ⭐️⭐️⭐️⭐️⭐️惹味脆口嘅真雞粒，好味到食唔停！下次要試下「廚師的誘惑」先！好似係神秘菜式👽

古月 📍：北角錦屏街後街29號地下A號舖🚗：北角地鐵B4出口 步行3分鐘📞：+852 3568-4530💲：~HKD70-90/head for lunchFood quality👌🏼：招牌辣椒板麵、藥膳黑肉骨茶總結：🤔北角新加坡🇸🇬菜小店 今次嚟試試佢嘅午市 可能有期望所以有點失望 唔建議誇區嚟試 附近打工居住嘅朋友試試無坊🤔招牌辣椒板麵非常平凡 建議拎走招牌二字 明明好足料有魚干 花生 豬油渣 炸蒜配類似上海麵 但食落無味 嗰反差實在有點太大 好似只係食到辣但淡而無味嘅一碟撈麵🥲🤔藥膳黑肉骨茶好過招牌辣椒板麵 唔單止濃味好多 另外肉骨茶嗰藥膳味好重 可惜係肉質太過鞋 雖然肉骨茶都唔會整到嫩口 但咁鞋有啲食之無味 棄之可惜😪😋必須要讚下服務 朋友在附近打工 各自繁忙嘅情形下只能約食lunch慶祝下 所以我買咗件細cake同佢慶祝 店員咁忙都願意幫我雪住件cake 非常感謝🙏🏼

🍛 李先生咖喱雞飯 HK$68・味道：咖喱偏辣，食到幾重星馬香料＋辣椒味，仲見到咖喱葉。雞就冇雞味㗎喇，俾咖喱搶晒味，不過薯仔就索晒咖喱味。味道除咗咖喱辣味之外，都冇記憶點🤡～ 但big boss要來了，口感先係毁所有嘅豬隊友👎🏻！！！！！・口感：得4嚿手指size嘅雞，雞髀同雞翼一樣size係咩料？一啖咬完雞髀啲肉😑 然後一嚿薯仔 = 3嚿雞size🤯 個份量同比例會唔會過分咗？🤬雞翼係淋到霉，皮肉分離散修修，仲要雞髀都可以煮到勁鞋口，也是有點料子的🫡 薯仔都係啦，超乎想像嘅煮功，吸味㗎但唔淋，都算！仲要實的的嘅，懷疑可以打死人🚬 食到懷疑人生🤔🧋 TEH TARIK 馬來拉茶 ＋HK$5・味道：叫咗走甜，冇奶味我可以理解為個甜味係要靠埋奶味先出，但連茶味都冇埋是搞什麼飛機🚁🚁🚁？・口感：水呀！就是有泡的水！・・・・・・・・・・・・・・・・・・・・🤰性價比：低～🤰9衝度：不了～🤰結論：我諗唯一一樣正常嘅就係佢哋好佛心，1.5個飯好大份呀成功塞飽我🤗咖喱味道普通，雞嘅size同份量真係離晒大譜🤬・・・・・・・・・・・・・・・・・・・・

Since the original resto we wanna visit was full, my friend and I visited this nearby resto for dinner. .Both of us ordered the Smooth Chicken Rice, which while included not only chicken, but also duck tongues. The special sauce made by the resto added some sweetness to the ingredients. However, the sauce was quite overwhelming, and the chicken was not as smooth as it was during my last visit. .The interior of the restaurant was lovely, with hand-drawn decorations. Even their table mat was hand-

來個古月很多次,每一次都被他的肉骨茶征服.肉骨茶通常有兩款,馬來西亞風味及星加坡風味.星加坡風味的會很重白胡椒味,道而馬來西亞的會有很大藥材味.個人來說,非常喜歡星加坡哪種胡椒風味.香辣感覺刺激味蕾,配合白飯豬肉以及整個蒜頭,令人回味無窮.不知道是否迎合香港人口味,還是我自己已吃 得越來越辣,感覺上這次來吃星加坡肉骨茶辣度比以往低了,不過還是很好吃.沒有照片可以提供,因為太好吃,以第一時間吃進肚子.p.s.餐廳提供加湯服務,吃完一整碗,還可以叫店主多加一碗湯. . 飽飽！

古月@錦屏街🌟古滑雞飯，價錢係$58，飲品係另外加，佢嘅份量嚟講唔算太大份，我覺得係中規中矩，但係食物質素嚟講就做得唔錯，個人嚟講比較鍾意食佢嘅雞，加埋佢本身餐廳嘅醬汁，配埋啲飯食幾好食，唯一有少少不足之處係啲飯有少少爛，影響咗入口嘅口感。肉骨茶就可以無限任添，$88，加埋一字骨，鍾意食肉骨茶嘅朋友都可以一試。好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟🌟衞生程度 （5粒🌟）🌟🌟🌟🌟

去到北角”古月”，一間米芝蓮的必比登推介。原本覺得米芝蓮鬼識食呢啲東南亞菜咩，好大機會又中伏。點知佢真係幾好食😋。頸青豬飯，魚露雞翼，三色奶茶，全部都帶點驚喜。可以再嚟。

喺北角小巷搵嘢食，唔小心入咗連續攞咗幾年米芝蓮既餐廳，主打新加坡、馬來西亞菜式古滑雞sold out🙉，所以試咗另外兩款菜式：藥膳黑肉骨茶$88藥膳味足夠但稱不上十分濃郁，有胡椒味。大約有四大嚿肉，及一大個完整的蒜頭，蒜頭已經浸泡於湯底及黑醬油很久，沒有了蒜頭的辛辣味，入口即溶。可惜該店選取的並不是小編喜愛的飽滿煙靭的白飯，咬落質地較薄身，米香不足，有點兒遜色🥲。椰汁雞$65樣子並不太討好，醬汁像茶餐廳一patpat的白汁🙃。可是味道比想像中好😯！醬汁味道有少少椰奶味，應該亦有加入咖喱香料(?)，連埋炸蒜一齊送飯幾好食。炸雞件大約有五件，欣賞炸粉很薄👍🏻，相對下肉的比例很高，炸的效果有點像生炸👍🏻。有少少青瓜絲於表面作點綴，亦令可解膩。結論1）餐墊很精美，進去時第一眼看到印象不錯，餐廳應該有心做既❤️2）對小編來說，白飯質感很重要！可惜該店選取的並不是小編喜愛的飽滿煙靭的白飯🫢。3) 小菜方面，這個價錢來說，是可以的。晚飯(不包括餐飲)人均$70都算係咁。份量足夠。4)餐廳座位不少，有機會搭枱，服務okay，不會食完就趕你走⭐️坦白講，小編覺得未算係米芝蓮級數🙈，但撇除米芝蓮嚟講，食物水準