影片
更多
2015-08-14
1398 浏览
今日食咗個brunch之後，就冇食過野啦！所以到咗五點就覺得好肚餓，咁岩又係紅磡！所以就睇吓附近有咩好嘢食，發現咗有一間食重慶辣麵嘅小店！天氣熱都想食啲辣野所以就入去試吓！環境方面我覺得老闆娘都好有心思！牆上面有一啲植物掛左響度，而且亦都有鋪頭嘅英文名Yvonne's Noodle！而座位方面就大約有二十個左右。另外一邊嘅枱面有一啲自己種嘅辣椒同埋檸檬草！每張枱面都放咗一樽菊花茶，菊花茶係自家製嘅，我覺得感覺幾好！因為食完辣野之後飲返啲菊花茶可以清熱解毒，而且呢個菊花茶係無糖嘅，所以一飲落去就覺得有好清新嘅菊花香味！餸嘅選擇大概有十幾款左右啦！麵條方面可以選擇拉麵或者係薯粉，又可以選擇湯麵或者係乾撈！現辣到亦都可以跟隨個人嘅喜好揀走辣/微辣/小辣/中辣或者地道辣！另外仲有涼菜都有十幾款可以選擇！如果想食小炒嘅朋友要留意，因為唔係日日都有！要星期四至日嚟先有得食架！而且我係五點半前入去，所以仲有優惠！好扺食！個麵平咗，仲可以用優惠價加小食！我最後揀咗中辣豬手麵，我唔夠膽揀地道辣怕真係會勁辣！我再叫多咗一個涼菜口水雞！特價優惠都係$55！原價要七十幾蚊架！口水雞本身係重慶嘅名菜，着重係醬料
今日食咗個brunch之後，就冇食過野啦！所以到咗五點就覺得好肚餓，咁岩又係紅磡！所以就睇吓附近有咩好嘢食，發現咗有一間食重慶辣麵嘅小店！
天氣熱都想食啲辣野所以就入去試吓！
環境方面我覺得老闆娘都好有心思！牆上面有一啲植物掛左響度，而且亦都有鋪頭嘅英文名Yvonne's Noodle！而座位方面就大約有二十個左右。
另外一邊嘅枱面有一啲自己種嘅辣椒同埋檸檬草！
每張枱面都放咗一樽菊花茶，菊花茶係自家製嘅，我覺得感覺幾好！因為食完辣野之後飲返啲菊花茶可以清熱解毒，而且呢個菊花茶係無糖嘅，所以一飲落去就覺得有好清新嘅菊花香味！
餸嘅選擇大概有十幾款左右啦！麵條方面可以選擇拉麵或者係薯粉，又可以選擇湯麵或者係乾撈！現辣到亦都可以跟隨個人嘅喜好揀走辣/微辣/小辣/中辣或者地道辣！另外仲有涼菜都有十幾款可以選擇！
如果想食小炒嘅朋友要留意，因為唔係日日都有！要星期四至日嚟先有得食架！
而且我係五點半前入去，所以仲有優惠！好扺食！個麵平咗，仲可以用優惠價加小食！我最後揀咗中辣豬手麵，我唔夠膽揀地道辣怕真係會勁辣！我再叫多咗一個涼菜口水雞！特價優惠都係$55！原價要七十幾蚊架！
口水雞本身係重慶嘅名菜，着重係醬料上嘅調味！而呢度嘅將要做得好好，一食落口有一個好香辣嘅感覺，但又唔會過辣，而且都好入味！其次就係好怕食冷盤嘅雞時會遇上D好肥膩，但呢度嘅雞一啲都唔肥膩，雞皮仲好爽口添！
豬手亦都好入味，而且骨膠原好豐富，好爽口！老闆娘話豬手用咗十幾種唔同嘅香料！而我揀咗嘅中辣亦都剛剛好，呢度用嘅辣椒、花椒都係老闆娘係重慶入貨嘅！
拉麵軟硬度適中，食緊嘅時候係度諗如果係撈麵嘅話一定更加好食！
同老闆娘講多左兩句，佢請我食麻辣木耳。
今次木耳嘅醬汁同口水雞、拉麵唔同，今次嘅醬汁係酸酸辣辣嘅，木耳都好爽口入味！我覺得如果鍾意食辣嘅朋友可以來試一試！
张贴
