Contrast

营业中

休息中

今日襯返下晝，終於可以黎試下放左喺「想去」list入面嘅其中一間餐廳。坐車果陣一路驚要等好耐，好彩今日11點40分去到門口，唔使等，成間餐廳好易認，就係黑色同白色。入到去，職員話用餐時間70分鐘😬😱即刻叫左一個牛肉漢堡配炸牛油果、朱古力咖啡同咖啡巴斯克芝士蛋糕，出去落完單再望出去見到好多人排隊🤣😌好彩行得快。等左一陣，先黎一杯咖啡，拉花都幾靚，味道唔算特別，但係好飲同順滑有朱古力味。然後等多20分鐘，漢堡終於黎到，好好食！多菜，牛肉肉汁豐富😍驚喜係三件炸牛油果，出面未試過，牛油果令到炸物嘅罪惡感降低好多，好清新😂😂職員服務態度良好，見差唔多完成用餐，問可以上甜品未，接住等左陣，咖啡巴斯克芝士蛋糕都黎到😋咖啡味淡淡咁滲出黎，芝士味唔太濃。忌廉甜左少少，不過都好食。總結：整體環境唔錯，食物質素幾好，只係用餐時間確實太短。