樂鐵板燒

营业中

休息中

慶祝日子，另一半又鍾意食海膽，即刻諗起樂師傅既鐵板燒，認識左樂師傅一段時間，佢自己都好鍾意海膽，所以每次去食，都會食海膽食到極滿足，而且佢對每道食物既鑽研配搭都經過深思熟慮，絕對可以話同出邊嘅鐵板燒冇得比。餐廳裝修簡約風，吧枱可以坐六個人，食物一手由樂師傅包辦，每一隻碟都好唔同好靚，除左食物嘅質素，見到每隻碟都咁靚，食得特別開心。十八層海膽杯真係唔可以錯過，入面有多款刺身食物，係出面真係冇咁食過。由前菜到甜品，不論賣相到味道都好出色，新鮮既活龍蝦同仲郁既鮑魚，見到都流晒口水。另外個東星班個魚皮煎到金黃色脆卜卜，個樣成個cream brûlée咁，非常有心思同有驚喜。個甲羅燒係另一個重點，啲海膽好似唔洗錢咁，又夠新鮮。個鵝肝係樂師傅自己研發，食既時候有一定程度既驚喜。介紹個朋友黎食，每個人都讚不絕口，我下次有時間一定會再黎。