漁獲浜燒 (已結業)

最近知道漁獲浜燒喺尖沙咀開分店，之前喺銅鑼灣都食過質素都非常好，今晚難得路過就上去試吓。入到去空間比較大，簡潔嘅日式裝修，牆上貼咗啲關於海鮮種類嘅海報。蟹味增甲羅燒蟹膏麵豉幼滑香濃，味道剛剛好，唔會太喊。夾埋梳打餅食，好開胃。配埋清酒更加好。七本鎗大吟釀食浜燒都要飲返杯清酒，呢一款嘅清酒味道較甜，夾海鮮飲一流。刺身盛合六款呢一個刺身合盛，份量夠晒重，有三文魚，吞拿魚，油甘魚，赤貝，巨型帆立貝，拖攞。每一樣刺身新鮮度非常高，特別要講嘅係拖攞入口即溶，魚油香到不得了，廚師特別將魚根切走，所以完全無渣。睇得出餐廳對食物嘅要求係非常高。特上漁獲浜燒盛盒盛盒有九州獨有嘅七彩帆立貝，就算去到日本都未必食到，難得老闆入貨，點都要食。由於海產都喺日本直送，水質乾淨，所以燒嘅時候唔需要燒到全熟，令海鮮更甜更鮮。浜燒麵豉活伊勢海老麵豉用上鮮蝦粒蝦膏，味道夠晒濃郁，平均搽上龍蝦面，再燒一燒，將龍蝦同麵豉嘅味道推到極致。柚子雪芭清新嘅柚子，味帶酸唔太甜，食完飯食返一杯，可以清一清腸胃。