影片
港铁尖沙咀/尖东站 B2 出口, 步行约4分钟
继续阅读
开饭介绍
浜烧指将海鲜在岸边即捕即烧，这间餐厅提供日本新鲜运到的不同海鲜，让食客感受日式浜烧滋味。
继续阅读
营业时间
星期一至日
17:30 - 01:00
以上资料只供参考，请与餐厅确认详情
相关文章
尖沙咀真系一个美食天堂，绝对唔怕揾唔到美食，至怕你唔知自己想食啲咩！今日朋友就带我去食海鲜，唔系一般嘅海鲜餐厅，而系日本「浜烧」海鲜，当然餐厅就唔系喺海边旁，但这里的海鲜就系每日新鲜运到，够晒生猛！餐厅食物款式多，除咗浜烧外，仲有日式料理小食、刺身、寿司、热食、甜品等等店员先送上芝麻酱椰菜，椰菜非常新鲜爽脆，混合了芝麻酱，很开胃惹味！朋友最爱吃刺身，刺身盛合六款就够晒份量，有呑拿鱼、呑拿鱼腩、三文鱼、油甘鱼、帆立贝、赤贝。一睇D刺身色泽鲜艳，款款都非常新鲜肥美！吞拿鱼腩同油甘鱼，刺身味道够鲜甜，真系令人回味今晚最期待嘅当然就是浜烧环节，店员还会为我们炮制每一道海鲜，简直是皇帝餐，只需乖乖坐喺度就有得食二人浜烧盛合＋花竹虾，所有海鲜都好新鲜，未开始烧已经知道会好好味额外仲叫咗个清酒渡蟹花蟹锡纸烧，锡纸打开后清酒香味扑鼻，加上花蟹够鲜甜，真系原汁原味最后甜品我哋就叫了两个雪葩柚子雪葩入口好清新，一啲都唔甜，啱晒食到饱饱嘅我朋友嘅椰子雪葩，清甜浓郁的椰子奶香，用半壳的椰子盛著好特别
继续阅读
同朋友一齐去到尖沙咀觅食，走进这间日本浜烧，整间的装修也很有日式的风格。参考的选择很多，而且也很多元化。香煎蒜片厚切牛舌 98这个牛舌是我们大家一致赞好，摆盘已经非常漂亮，每一片也是厚切的，餐厅特别挑选了牛舌中心部份，为了控制食物的质素，老师的其余部份也不会用作其他的食材，虽然有点浪费，但是很欣赏餐厅对食材的执着。香草酱汁也有画龙点睛字句，是赞好Facebook 送原板韩国海胆 呢个真系冇得顶，虽然好细瓣，不过都几creamy唔腥，重点系免费。二人浜烧盛合精选 $398生蚝鱿鱼大虾黄贝贵妃贝北寄贝餐厅提供左三种不同嘅酱汁，分别是柚子胡椒、美珍酱、同埋海鲜酱。整个海鲜拼盘整齐的牌在盘子上， 10分吸引眼球。海鲜非常新鲜， 生蚝是非常的大只，差不多有手掌心这样大，个人最喜爱就是贵妃贝和北寄贝，因为真的是10分清甜，而且也非常厚肉。六点三文鱼寿司 各种不同烹调方法的三文鱼寿司，各有特色。。特制黑松露炙焼平目鱼边沙律 $138这个沙律真的不错，黑松露味非常浓郁，很喜欢平目鱼油脂丰富，加上份量也不少呢
继续阅读
好耐冇食日本野 就约朋友试下浜烧 朋友介绍左呢间系厚福街 H8 既日本餐厅入到餐厅 都几有日本风 枱之间距离又唔会太近 坐得舒服我地叫左两款刺身 三文鱼同鱼子刺身 赞好某社交平台仲有海胆送 超抵啊！另外仲叫左海鲜锅 入面有三文鱼 带子 八爪鱼 豆腐 菇同蔬菜 我同朋友连汤都饮埋 正啊最后当然叫左个龙虾浜烧 店员仲帮我地烧埋同拆肉 岩哂懒既我呢个龙虾浜烧除左主角龙虾 仲有贝类同鲍鱼 全部都好新鲜 又烧得岩岩好 同埋店员好细心 会主动帮我地加茶 所以好食又有服务既餐厅 真系要再黎食啊！
继续阅读
上次浜烧意犹未尽， 今晚再嚟浜烧尽兴， 近期晚上大多数浦老尖， 渔获浜烧系尖沙咀为食街 ~ 厚福街，地理方便。日本酒居屋装潢， 简单舒服。今日忙到甩辘过晒时， 迟大到， 上到嚟影两张相，急不及待食.食.食， 餐牌欠奉。今天巧热, 赶到黎热到爆汗, 先来杯生啤降降温先。芝麻酱椰菜沙律为食友叫咗个浜烧2人套餐，加配升级龙虾，再加多条烧喜之次，Like Facebook 送多一板我至爱的。。。海胆，好著数。原板韩国海胆 (送)虽然系免费, 但一啲都唔差， 除咗size细小小 ，海胆色泽金黄， 入口软滑甜美， 净食滑口， 亦加紫菜食则脆口, 两种口感。盐烧喜之次好耐冇食喜知次， 见到你香喷喷上枱真系好感动， 感动到想即刻食晒落肚喜之次系日本贵价鱼， 除特别日子，平时真系唔舍得食的极品鱼。食喜之次最好就系食烧， 烧得皮脆肉嫩， 喜之次肉质出名嫩滑， 油份又高， 原条烧能保存其丰富鱼肉汁， 又香又滑又鲜味, 本身盐烧己够味哗! 今晚朋友叫的2人套餐 好丰富呢， 海鲜包括；黄金贝北寄贝西班牙蚝贵妃蚌鱿鱼筒龙虾**黄金贝 ~ 初尝黄金贝，鲜及甜兼备， 仲又爽口非常。 **北寄贝 ~ 甜度无黄金贝咁高，口感亦偏向有咬口， 冇平时食自助餐嘅冰鲜北寄贝咁爽口, 但就比冰鲜货鲜甜好多。**贵妃蚌 ~ 贵妃蚌厚肉甜美， 连汁都饮埋， 有少少清酒香，好甜喔。**西班牙蚝 ~ 加少许清酒及上汤烧，蚝肉脆口鲜爽，海水喊度不高，能食出蚝的鲜甜，估唔到西班牙蚝也不错噃。**大鱿鱼 ~ 真系劲大只，幸好烧完唔韧， 原味烧，拈芥茉豉油食几正， 口感弹牙。原只龙虾龙虾涂上一层龙虾膏酱，龙虾膏酱由龙虾膏、龙虾肉粒及日本淡味噌组成。初初入口好有淡芝士feel，之后食出虾膏的甘香，可能用上日本淡味增， 富鼓香而唔咸口。而龙虾肉我觉得烧得过火咗少少， 幸好龙虾够大只，虾肉比较厚， 所以过火少少都唔会令虾肉太干， 仍有龙虾嘅甜美及微爽。
继续阅读
呢排社会气氛紧张，我都好耐冇同朋友出街食饭啦！咁啱有个好朋友生日，我哋就决定出嚟聚一聚，好好放松心情。我同佢一向都好钟意食海鲜同埋鱼生、寿司之类，所以就决定揾一间可以同时满足我哋两个愿望嘅好餐厅。结果，我哋好快就锁定左一间日式餐厅呀！啱啱到餐厅𠮶阵，我哋发现正门挂左唔少相片吊饰。仔细一睇，原来系好多香港明星同老板、员工嘅合照呀！哈哈，我哋唔觉意拣咗一间咁受欢迎嘅日本餐厅。我哋一坐低，即刻有一个好靓仔嘅侍应走黎我哋身边，为我哋推介一个个深受大众欢迎嘅拼盘。佢又特别提到，「浜烧」喺日本嘅意思，正正就系喺海边即捕即烧，保留海鲜原始风味。而呢度嘅海鲜全部都系喺日本新鲜运黎，所以完全符合浜烧嘅意义架！我同朋友考虑咗一阵，就一致决定order「二人浜烧盛合」，细尝何谓最新鲜嘅海鲜。食正餐之前，侍应拎咗碟开胃菜「芝麻盐酱椰菜」畀我哋。爽脆可口嘅椰菜，配上涂有芝麻酱嘅蒜片，真系非常惹味；朋友话佢仲食到淡淡嘅辣椒粉味添！登、登、登、櫈......上正餐喇！先上台嘅，系一盘摆放咗6件精美寿司同海胆嘅拼盘。既然呢晚系朋友生日，我就让左心爱嘅三文鱼同拖罗寿司俾佢。件件寿司都好肥美嫩滑，非常juicy.....真系食多两盘都无问题呀⋯⋯另外，朋友又特别钟意食海胆。我见佢不停用匙羹将大片大片海胆摆喺紫菜上面，然后疯狂鲸吞，我就知道佢系几咁钟意呢份拼盘喇！好啦，重头戏黎啦——「二人浜烧盛合」嘅海鲜拼盘上场啦！海虾、北寄贝、贵妃蚌......所有海鲜都系以一对对嘅方式呈现，咁我同朋友就唔使互相礼让啦！呀，差啲唔记得讲，呢间餐厅有个特别之处——每位侍应都会按照指令，专门为属于佢哋嘅一枱客人亲自服务，等客人有一种宾至如归嘅感觉。侍应首先用火枪直接烧鱿鱼筒。你哋睇下，成只鱿鱼有我半只手臂咁粗架！当鱿鱼筒烧到金黄色之后，侍应就亲手将佢剪成一个个圈圈⭕️，然后继续烧、烧、烧.......鱿鱼口感烟韧，爽口十足，配埋酸味味嘅酱料，简直一流。正当我地品尝紧鱿鱼嘅时候，侍应哥哥就开始烧两只色泽明艳嘅北寄贝啦！过程中，佢鼓励我哋呢班年轻人要对未来充满信心......佢讲左好多正面嘅嘢，令我哋非常之感动。侍应烧左北寄贝一阵，就将佢哋攞入厨房进行清理，包括：去掉裙边同内脏；然后先再继续用火枪烧到佢哋100%熟透。Okay，食得！食完北寄贝之后，就到肉香肥美嘅帆立贝登场啦！烧咗大约4至5分钟，两只帆立贝就以唔同味觉效果呈现人前。左边𠮶只系用日本清酒烹调过嘅帆立贝，里头嘅带子味道清香鲜甜，质感夹脆。难怪侍应会叫我哋先试呢只带子。右边𠮶只帆立贝就用左牛油同香草烹调而成。两种佐料都完美发挥作用，令人食过翻层味。下道菜，就系火焰炙烧海老！两只海虾事前已经经过「开背」处理，所以绝对唔担心会食到沙之类。经过猛火「怒烧」，两只海虾烧到金黄色，外壳脆卜卜。一搣，虾壳就好容易剥走架啦！哇......虾只肉身厚厚，虾头里面更加收藏咗非常鲜味嘅虾膏添，食到人舔舔脷......朋友对呢一餐生日海鲜宴非常满意，仲话下次到我生日个阵，会再请我食返多次呢个「二人浜烧盛合」呢！
继续阅读