喜鍋 海鮮‧火鍋‧小廚 (已結業)

今次同朋友去左喜鍋打下邊爐。入到去分享社交平台 page就有八八折，都幾抵呀！四位以上仲送四品盛牛天梯，可惜今次得我地得兩個人食唔到咁多野，不過食物質素平均都相當高質。鴛鴦鍋今次叫左較傳統的沙爹鍋拼香茜皮蛋湯底。沙爹味香濃，帶點辛辣，口感幾豐富。香茜皮蛋湯味道芳香，清甜，飲落相當唔錯。雪花美國肥牛油花分佈均勻，肉質鮮嫩而不肥膩，放入湯中煮幾秒，咬入口牛味香濃，一流。自家製手打墨魚丸食落口感彈牙，調味適中，鮮味十足，所以價錢較貴但絕對值得一試。讚岐烏冬入口嫩滑彈牙，食到後期加份烏冬，仲可以索埋濃郁既湯汁。蔬菜拼盤火鍋最後一定都叫蔬菜拼盤食，食落幾爽口，中和下油膩嘅感覺。