金田家 (已結業)

今日同朋友行開荃灣見到荃新天地開咗間金田家新分店，之前我係銅鑼灣已經食過，覺得好正，一直想返兜，好惜地點比較遠，返工又忙，所以一直冇機會，而家係屋企附近開咗間分店，梗係要試下啦！一去到發覺地方比銅鑼灣更寬敞，而且坐位間隔都勁寬落！坐得好舒服，而且卡位有落地大玻璃望住街景，景觀一流，坐低之後我地急不及待叫嘢食！首先嚟到係小食”吉列蠔”佢外層炸得非常鬆脆可口，入面既蠔肉又大又多汁，咬落肉汁四濺，令人齒頰留香！我仲叫咗一杯叫可爾必思既嘢飲，因為之前飲過，覺得超特別又好飲，所以決定要encore，佢好似香焦奶昔溝益力多，配埋冰粒，非常消暑，好適合天氣熱喝！所以大家有機會一定要試試！之後上既係”柚子辛口拉麵”!佢既拉麵可以自由選擇軟硬度，我比較喜歡食口感度高既拉麵，師傅果然煮得剛剛好，食落好有靭度，佢地既日本叉燒又大塊，而且肉質鮮嫩多汁，配埋佢地秘製既辣醬，簡直係一絕，值得推薦俾大家！