樂天經典 (已結業)

今日同屋企人食呢間樂天經典，本身都好期待，食完更加覺得冇去錯，中菜真係碟碟都好夠份量又好食，食到4個都勁滿足!金牌脆皮燒雞我地叫咗半隻雞，然後佢係即燒，所以一嚟到個皮仲會“炸炸”聲，有煙出之餘雞肉仲好嫩滑，而且雞味濃，個皮真係好脆，平時另一半唔食雞皮既今次都照食，好出色既燒雞，多人既一定要試!青芥末蝦球（中）我地係首先被幅相吸引到，因為平時好少見到青芥末既菜式所以就試試。佢係用個炸籃裝住咗6-7舊蝦球，青芥末醬都好平均每個蝦球都有，而且炸得好脆，加埋個醬成個味道好夾，食到蝦既鮮味亦都有少少芥末醬既辣，好有創意!腐乳通菜（中）食太多肉點都要叫個菜中和下，佢既腐乳溶哂唔會仲一舊舊，通菜亦都炒得岩岩好唔太老，重口味又想食菜既必叫!三杯鴕鳥肉煲（中）今日冇哂鴕鳥肉所以轉牛肉，呢個煲又係好特別，落咗好多薑皮同埋八角加其他調味，令到個煲勁香醬料味，牛肉亦都係好嫩，送飯認真一流。如果唔想食鴕鳥肉既可以可以叫佢地轉牛肉，都一樣好好食。海鮮皇炒飯（中）首先份量真係好夠，冇諗到中size都會咁大碗，炒飯既配料亦都好多同埋夠新鮮，成個飯都炒得乾身而蝦肉都係好鮮味，唔會有任何雪藏感覺。泰式海鮮炒米（中）份量同