更多
2016-01-30
1553 浏览
一班廿几年老友,定期有生日饭局,周围去食野,价钱有平有贵啦,今次有人提议试下天一阁,咁就出发,个人认为现场环境都算优雅,一个幽静环境对于呢类私房菜饭局好紧要,所以加左分先,到正式上菜,真系道道菜都有特色,经理每上一道菜都讲个大约烹调过程,食材用料等等比我地听,真系每个菜都有个故事,而十多道菜之中,我最欣赏首推花雕蟹,陈年花雕甘香夹个蟹的鲜味系一绝,跟住个自制烟薰腊肉又系无得顶,肥瘦适中口感一流,个西关叉烧又系,重有个叫葵花斩肉,系用鸡汤伴住肉丸,入口溶化,唔亲自试过真系好难讲得出个感觉,其他如海盐焗鸡,日本清酒浸蚬,虾子虾油拌面等都好好食,不得不提就系佢地有个饭后中式甜酒,叫黑糖红枣花雕饮,好鬼顶瘾,有机会大家去试下啦,整体黎讲我非常满意,食得出厨师份心机同诚意,确实系难得的私房粤菜!
张贴