米線樂•麻辣豬骨濃湯 (已結業)

最近見到米線關注組有人推介米線樂，就黎食下! 呢到既米線價錢都幾抵食! $26/27 一碗再額外加送。叫左碗豬骨濃湯米線，湯頭係奶白色，飲落都好夠味但又唔係味精個種味道 ! 感覺幾健康，叫左牛栢葉同埋花枝丸，份量都幾足。另外，仲食左麻辣涼皮，叫左BB辣，都幾辣下! 涼皮係好闊身有厚度個款，所以都飽肚架! 呢個就跟日式玉子同埋肥牛。好少見到米線既料有得配玉子，佢仲有D幾特別既料，見到仲有鲜蝦腐皮卷，下次有機會都想試下。呢到都有好多款小食簡，我地叫左滷水豬耳同埋麻辣墨魚咀。墨魚咀咬落好多軟骨位，幾好食，而且個汁係蒜味較重，我自己就幾鐘意! 野飲方面，就叫左荔枝紅茶同豆漿。