班蘭葉印尼餐廳

营业中

休息中

晚市堂食算係叫開放左一排，不過都係最近先約番friend 放工後食好野～呢間印尼餐廳係openrice 人氣似乎幾高，又係正銅鑼灣中心地段夠晒就腳。佢門口販賣住各樣特色印尼小食，則跟小路而入，別有洞天～先叫d 串燒過下口癮，佢d 羊肉本身已經一d 都唔酥，再搽上醬汁去燒，甜甜辣辣，再點埋另附既沙嗲醬，又多種花生既香氣，令人流晒口水...第一次聽"破雞" 呢個名字，所以貪得意叫左個黃薑破雞雜錦飯。哦原來都係燒雞果類，隻雞充滿香茅同薑黃粉既味道，係燒得稍為有d  乾身。成碟飯擺盤幾靚，配以炸豆腐，青瓜，蕃茄等多種蔬菜，果隻辣醬超級辣的！仲試左個湯粉皮，都係d 唔常見既食物。滑滑既粉皮，浸係花膠湯入面，熱熱的連埋湯食一流。剪碎左既花膠如蛋花一般，再加埋似乎係蟲草，應該十分養顏～呢個舊肉叫左燒牛仔骨，都係接近頭先羊肉串既醬汁，但食落肉質又較為有咬口～飲品menu 琳瑯滿目，附埋圖好似樣樣都好想試咁... 朋友點左杯斑蘭沙冰，同平時食開既斑蘭蛋糕一樣，都係果隻青綠色的！我就試左咖啡味，巧靚呀～有cream 有車厘子同蛋卷，打咭一流又好飲。