影片
更多
2021-03-12
29 浏览
放工最就腳既食飯地點就係尖沙咀，出左地鐵站唔洗行好耐就到。侍應好有禮貌，主動介紹有咩好食，主動換碗碟，仲要每枱都有支全新嘅酒精搓手液可以拎走👍🏻。除咗雞煲仲有好多選擇，例如鴨煲同豬手煲。不過我哋淨係想食雞煲😂。我地揀左小小辣，辣度可接受，味道唔係好鹹。份量大，兩個人食雞煲都飽飽地😜。食完雞煲之後侍應叫我哋揀湯底，我哋就心諗乜唔係就咁加水落去打邊爐㗎咩🤔。原來呢度嘅賣點係雞煲還雞煲，打邊爐嘅湯底還打邊爐嘅。一晚可以食到兩種唔同嘅湯底👍🏻。重點黎啦，我地就係為左啲靚牛黎幫襯🥰，$298/位可以任食四款靚牛，包括有牛小排、牛頸脊、極黑和牛、M6西冷。個人認為款款都好好食，好重牛味，一啲雪味都無。不過M6有少少碎，所以淥既時候要小心啲🤣。除此之外，牛肉真心好高質好正，絕對值得$298依個價。我地食牛肉都食到好滿足，其他配料都係係咁意食下🤣。啲蜆都好大隻好新鮮！啲菜好好食喎，種類又多，我地夾完又夾，特別係萵苣👍🏻。飲品款式多好似已經係火鍋店必須要既😂，依到有既飲品不外乎有汽水、烏龍茶、忌廉鮮奶等等，點知包埋啤酒😍。甜品竟然有韓國雪條食，仲要係平時少見既款，依樣都係開心位🥰。埋單 $596（無加一
除咗雞煲仲有好多選擇，例如鴨煲同豬手煲。不過我哋淨係想食雞煲😂。我地揀左小小辣，辣度可接受，味道唔係好鹹。份量大，兩個人食雞煲都飽飽地😜。食完雞煲之後侍應叫我哋揀湯底，我哋就心諗乜唔係就咁加水落去打邊爐㗎咩🤔。原來呢度嘅賣點係雞煲還雞煲，打邊爐嘅湯底還打邊爐嘅。一晚可以食到兩種唔同嘅湯底👍🏻。
重點黎啦，我地就係為左啲靚牛黎幫襯🥰，$298/位可以任食四款靚牛，包括有牛小排、牛頸脊、極黑和牛、M6西冷。個人認為款款都好好食，好重牛味，一啲雪味都無。不過M6有少少碎，所以淥既時候要小心啲🤣。除此之外，牛肉真心好高質好正，絕對值得$298依個價。
我地食牛肉都食到好滿足，其他配料都係係咁意食下🤣。啲蜆都好大隻好新鮮！啲菜好好食喎，種類又多，我地夾完又夾，特別係萵苣👍🏻。
飲品款式多好似已經係火鍋店必須要既😂，依到有既飲品不外乎有汽水、烏龍茶、忌廉鮮奶等等，點知包埋啤酒😍。甜品竟然有韓國雪條食，仲要係平時少見既款，依樣都係開心位🥰。
埋單 $596（無加一）
张贴
