影片
更多
2020-11-03
1888 浏览
難得book到呢間之前成日爆滿既點心放題一定要一早唔食早餐準備好去容納點心,呢間海鮮酒家裝修得好有古中國風,內裏地方雖然唔算好大但坐得都幾舒服又唔會有焗促感.$168午市點心放題雖然一張點單紙齊晒咁多款食物,但勝在貴精不貴多,經典必食既點心都有齊.亦有涼拌小食,炸物,飯麵,甜品等.燒乳鴿燒得香脆鹹鹹香香,乳鴿肉質夠嫩滑又唔會乾爭爭.皮脆肉香十分惹味.川麻口水雞翼口水雞汁麻香辣都夠晒味,雞翼大大隻又厚肉.金磚豆腐粒每粒豆腐切到骰仔正正方方咁,一口size方便入口.外層炸漿薄脆,而且灑上椒鹽味道更香更惹味,外脆內軟滑.椒鹽金針菇金針菇香脆而且同樣炸得香口唔油膩.豉油皇香煎腸粉用上蝦米腸令味道帶更香既蔥香及蝦米既鹹香味,配上甜豉油入口香而不過鹹.腸粉煎得微帶焦香,外層帶點香脆感及帶有獲氣.豉油充份滲入腸粉內,由外到內都食到豉油香,唔會只得外層有味.晶瑩蝦餃皇蝦餃餡夠足料,內裏蝦肉餡肉質爽彈富蝦味.外層蝦餃皮略微偏厚但同樣彈牙唔會過乾身.蝦仁燒賣皇蝦肉同豬肉餡平衡得幾好,內裏肉質彈牙唔會霉,整體飽滿又大粒內裏又帶有肉汁.金沙熊貓包熊貓樣做得好可愛,蒸包軟綿帶麵粉香.內裏奶黃餡夠流心,一咬開包內
$168午市點心放題
雖然一張點單紙齊晒咁多款食物,但勝在貴精不貴多,經典必食既點心都有齊.亦有涼拌小食,炸物,飯麵,甜品等.
燒乳鴿
燒得香脆鹹鹹香香,乳鴿肉質夠嫩滑又唔會乾爭爭.皮脆肉香十分惹味.
川麻口水雞翼
口水雞汁麻香辣都夠晒味,雞翼大大隻又厚肉.
金磚豆腐粒
每粒豆腐切到骰仔正正方方咁,一口size方便入口.外層炸漿薄脆,而且灑上椒鹽味道更香更惹味,外脆內軟滑.
椒鹽金針菇
金針菇香脆而且同樣炸得香口唔油膩.
豉油皇香煎腸粉
用上蝦米腸令味道帶更香既蔥香及蝦米既鹹香味,配上甜豉油入口香而不過鹹.腸粉煎得微帶焦香,外層帶點香脆感及帶有獲氣.豉油充份滲入腸粉內,由外到內都食到豉油香,唔會只得外層有味.
晶瑩蝦餃皇
蝦餃餡夠足料,內裏蝦肉餡肉質爽彈富蝦味.外層蝦餃皮略微偏厚但同樣彈牙唔會過乾身.
蝦仁燒賣皇
蝦肉同豬肉餡平衡得幾好,內裏肉質彈牙唔會霉,整體飽滿又大粒內裏又帶有肉汁.
金沙熊貓包
熊貓樣做得好可愛,蒸包軟綿帶麵粉香.內裏奶黃餡夠流心,一咬開包內既一角,奶黃餡即刻湧出.奶黃餡既蛋黃味濃得黎奶味又夠香滑,兩者平衡得好好.
黃金炸饅頭
炸成金黃色既饅頭唔會好油膩,入口外脆小入軟,沾上煉奶更香甜香滑.
鮮蝦炸雲吞
中間雲吞餡都幾大,炸雲吞皮唔會過厚得黎又酥脆.咬落一d都唔油膩而且香口,內裏雲吞既蝦肉爽彈新鮮又夠蝦味.
张贴
