🍲火鍋
係啊我又打邊爐喇! 今次打邊爐都會揀偏向清淡同潤啲既湯，除左怕秋天口嚨痛之外，最重要係突出食材既鮮味😜表叔刺身串燒火鍋有20種湯底揀📃我最後揀左清潤鮮海底椰鍋，價錢唔貴，湯底足料鮮甜，有好多海底椰🌴、菜、蔥同冬菇，落野食前足足飲左兩大碗！😋
食物我叫左手切新鮮肥牛🐄肉身厚度適中，脂肪分佈平均👍🏻
🔔值得一讚既係佢既即炸響鈴，上黎時熱辣辣♨就咁食已經好好味。仲有手打三寶丸，最鐘意一碟可以試晒咁多種，真係好爽滑彈口。鳳城水餃係自家製既🥟料比較多，最後都係食唔晒。另外仲叫左牛柏葉、雜菜籃同韓式粉絲😄
🍢串燒
呢度既串燒燒得好唔錯，每碟有兩串。本人最中意食牛舌串燒同雞軟骨串燒，鹽味適中，因為即叫即整，所以都熱辣辣，唔會太硬，加埋檸檬汁就💯
今次食火鍋同串燒已經好飽，餐廳仲會送清甜飯後西瓜🍉清清熱。餐廳環境寬敞，一邊食一邊睇電視📺下次會叫多啲朋友一齊食，試多啲唔同野食👯♀
