影片
更多
2018-10-18
34 浏览
平時係街邊食臭豆腐就食得多，臭豆腐打邊爐就真係第一次試！晚上約咗朋友嚟呢間台式鍋店食，餐廳裝潢簡約，感覺舒服。去到都幾多人，好彩有訂位唔洗等。招牌臭臭鍋+粉絲。一遞上嚟就聞到好「香」嘅臭豆腐味！配料豐富，有牛肉片、米血糕、鴨血、貢丸、大腸等台灣出名美食，仲有菜同金針菇等，當然仲有唔少得嘅主角臭豆腐啦！米血糕食落煙韌，臭豆腐食落又臭又酸，好入味！沙茶牛肉鍋+公仔麵。湯底濃郁惹味，牛肉片比較失色偏肥，牛肉丸就幾爽幾彈牙，臨尾公仔麵索曬啲湯汁正！追加豚肉片。肥瘦適中，唔錯。鹽酥雞扒。好香好脆，唔會太咸剛好，熱辣辣食好滋味！除咗有鍋食之外仲有台式飲品！又有得食又有得飲台灣嘢簡直好似去咗台灣咁呀！芝士金鳳茶王，茶底比較甜。芝士茶茶八號，以多種茶調出嚟，品嚐到綠茶嘅甘甜味亦有紅茶嘅澀，好特別。兩種個芝士奶蓋都好濃郁好好飲！兩人埋單$378，價錢正常，推薦！
招牌臭臭鍋+粉絲。一遞上嚟就聞到好「香」嘅臭豆腐味！配料豐富，有牛肉片、米血糕、鴨血、貢丸、大腸等台灣出名美食，仲有菜同金針菇等，當然仲有唔少得嘅主角臭豆腐啦！米血糕食落煙韌，臭豆腐食落又臭又酸，好入味！
沙茶牛肉鍋+公仔麵。湯底濃郁惹味，牛肉片比較失色偏肥，牛肉丸就幾爽幾彈牙，臨尾公仔麵索曬啲湯汁正！
追加豚肉片。肥瘦適中，唔錯。
鹽酥雞扒。好香好脆，唔會太咸剛好，熱辣辣食好滋味！
除咗有鍋食之外仲有台式飲品！又有得食又有得飲台灣嘢簡直好似去咗台灣咁呀！
芝士金鳳茶王，茶底比較甜。
芝士茶茶八號，以多種茶調出嚟，品嚐到綠茶嘅甘甜味亦有紅茶嘅澀，好特別。兩種個芝士奶蓋都好濃郁好好飲！
兩人埋單$378，價錢正常，推薦！
张贴
