牛の鍋日本料理

营业中

休息中

荃灣確實有好多火鍋, 有朋友話我知悅來坊有間日式火鍋可以打邊爐之餘仲有刺身同壽司小食等放題, 仲要甜品勁正😍, 收咗工就同男人黎Shabu Shabu, 時間夜晚八點幾見餐廳都滿座, 好彩等咗一陣好快就有位喇。坐低後店員會介紹兩種放題選擇, 我地當然想食埋日式料理, 所以揀咗A餐(日式料理+火鍋+甜品)。 跟住就要湯底, 亦可以加錢揀雙拼, 我地就揀咗蕃茄薯仔湯。枱上會有不同類別既放題點餐紙, 日式料理經已好多選擇: 刺身、 壽司、 手卷、 日式小食、 天婦羅/揚物、 燒物, 而且火鍋配料餐紙上有: 美國牛肉、 極上牛肉、 羊肩肉、 豚肉、 丸類同海鮮。。。等等。 飲品都有好多選擇, 啤酒汽水烏龍茶, 梗有一款啱心水。唔夠? 仲有蔬菜吧, 可以任君選擇, 最開心係有萵筍💕 仲有海鮮類都好有驚喜, 海蝦轉咗係"新鮮海蝦"又大隻, 仲有"日本廣島蠔"都係大大隻架, "墨魚滑"又夠彈牙, 淨係食肉類加海鮮都值回票價👍👍👍最後當然要食返個甜品先走啦, 朋友之前已經極力推介我一定要食, 甜品全部即叫即制有十六款, 真係好有誠意! 宇治抹茶芭菲⭐⭐⭐⭐⭐超級驚喜放題都會有得食, 抹茶味勁濃, 一層