泓・西日料理

营业中

休息中

今日同朋友去完上半場搵下場，朋友就帶我嚟呢間居酒屋。嗌咗幾杯啤酒，呢度竟然有沖繩好特別嘅Orion啤酒，全港都好少有，仲要入口香甜醇滑，仲要係日本做嘅，好特別。跟住嗌咗兩份野菜天婦羅，啲粉啱啱好，唔厚唔薄，似足日本嘅風格，南瓜香甜，冬菇厚肉。咁啱嗌咗自家製嘅話梅酒，話梅冇傳統日本梅酒嘅酸，而係有話梅嘅甜同咸，呢種口味好過癮。而且老細好好人，唔單止向我哋介紹唔同菜式嘅味道，仲同我哋介紹咗唔同口味嘅酒，仲推介我哋飲話梅味嘅酒。啲酒好好飲，真心推薦。